今日都係揍仔返學，老公車到我去南昌站就自己撘車，返到去吹水食早餐啦，然後就忙足一朝，本身真係有嘢要今日交比會計，跟住因為Ivy去咗開會，阿姐要人出去買西餅，咁就輪到我啦，呢啲工作都要小心做，唔好出錯！順利完成回來又要趕report比account，然後又要分貨，分喺樓上買的清潔用品呢！做得嚟都差不多放工，快手食埋個飯回去做書僮，但仲爺今日唔知做咩咳得好勁，所以都唔迫到佢啲咩，講一次課文比卷佢做吓就算，都要跟吓子元，雖然有卷佢做但都唔夠，條友成日以為自己識哂！老公瞓咗一個下午就起身煮飯，晚飯後仲爺就走咗上床瞓，但都要捉番佢落嚟沖涼食藥先得呢！
沒有留言:
張貼留言