3/1/20

3/1/20.   FRI.    COOL**

又到happy friday啦，雖然月頭都多嘢做，但總冇話非今日完成不可！朝早子元起身話冇咩事可以返學，咁見佢又真係冇事咪比佢返囉，留番放學先睇醫生！揍咗佢地返學就車我返工食早餐，返上去吹吓水就開工啦，努力了一朝又放飯，入房吹吓水咁食飯係最開心，啱傾的飯腳好重要！下午本來都應該乖乖做嘢，但因為我提出咗訂樓上的清潔用品，就要搞掂啲手尾，好在有Ivy幫手整咗個表訂，咁放工前都做咗8成嘢架啦！回家後執吓仲仲啲嘢，轉個頭又夠鐘出門口去合唱團，然後又要去畫室接番子元，佢轉咗成人畫班的時間，可以學吓其他嘢！返小童接埋仲爺就同程家食飯，10點多才回家，沖好涼打暈佢地後，還要填好自行兩份表，明天去交表啦，反正都冇咩選擇，專心一致啦！