7/1/20

7/1/20.   TUE.  COOL

今日佢地開始考試，但笨元一朝起身同我講佢發燒，馬上處理，食藥沖涼刮痧敷額做齊叫做過到關先，叫咗佢準時食藥，一鼻水倒流就係咁麻煩！今朝車到我去南昌站就算，我撘shuttle返去食減肥麥皮餐，一齊減！今朝都多嘢做架，始終今個星期要半日做一日野，所以冇得hea!一返去阿姐仲要呻佢琴日返去做書僮嘢，咁我點都要奉陪！放工前做好預計要做的，入房同負能量太太團食埋個飯先走，返去做書僮，但今日到我發顛囉！首先笨元睇錯時間去補習，老公又唔睇清楚時間就揍咗佢過去，咁佢又病病地都算，跟住仲爺溫英文又係令人痴線，文盲點考試呢，總之我就又顛又打又鬧咩都齊啦，其實真係好辛苦！子元被Ms Yu提早收留後可以早點回來，咁就快啲做埋我啲練習囉，7點多出去食咗米線，回來又係時候快啲沖涼，都係唔甘心要同仲爺做埋份卷，10點多放佢去瞓啦，我真係好攰，心靈上嗰隻！