31/1/20

31/1/20     FRI     COLD

今日門口都冇出過, 老公返早, 基本上都冇地方可以去, 咁咪喺屋企吽囉, 瞓到10點多起身, 齊齊食麥片做早餐, 跟住就係hea啦, 到咁上吓的起心肝郁吓, 睇吓子元要溫習要預習的各科, 嚟緊都係要靠自己架啦, 教得幾多得幾多啦, 仲爺嗰邊就要等郭老師識唔識做, 比啲資訊學生! 差不多2點多就整午餐比佢地食, 都係食吓粉咋, 食完又hea, 幫子元溫習時就比仲仲做吓網上練習, 叫佢正經上堂冇可能! 子元叫做同佢預習咗一課中文啦, 又搵咗一堆練習比佢下星期做, 因為下星期我應該冇得在家工作, 衝番一個星期啦, 月中閒番啲都要夾番啲假嚟請下午, 唔係真係要獨留兒童在家先掂! 老公5點幾回來接子元去畫班, 所以8點幾等佢地返來先食飯, 之後都係清潔同睇電視囉! 明天仲爺又要畫班又要音樂, 對我嚟講係挑戰呢, 因為要撘交通工具, 自從咁嚴重之後都未試過!