14/10/22

 14/10/22     FRI.    COLD

今朝如常揍細佬返學就返工，返到公司差啲唔記得拍卡，好在發現嘅時候即刻跑返去拍，應該講得切掛！去電腦房坐到9:30 ，都要去上英文堂，不過真係好悶！第二堂Bella返咗嚟，但係係佢最唔想上嘅Geo，本身佢連課室門口都唔肯去，我已經同佢交涉完，起碼佢去課室門口坐，老師知道佢喺度！好在小息之後好好多，連堂Scienc佢本身都唔係好想，我同佢傾好想完第一堂出去行五至10分鐘休息吓先至再入嚟，然後我去食飯！最後嗰堂上埋數學終於過完今個星期啦！去到公園諗住湊細佬，原來阿哥已經接咗佢，唔記得咗同哥哥講唔使揍，唔緊要啦返屋企會合，今日就唔使揍德，咁就休息吓等老公喺新屋做完一輪野返嚟湊我哋，然之後一齊去球場！因為今日係結婚周年紀念，所以等佢哋練完波就出去食嘢，最終去咗一間漢堡燒雞餐廳食，啲裝修都幾好，但一定唔係浪漫嗰隻，不過啲嘢食好好食，食完返到去都10點幾啦，咁算唔算慶祝呢！