25/10/22

 25/10/22     TUE     COOL

今日又係忙碌的一天, 朝早食完早餐就去GP, 又要睇醫生又要驗血, 但去到等到10點佢都未安排我見醫生, 喺我諗緊究竟應該抽血先睇等醫生時佢就叫我入房啦, 所以都係睇咗醫生先, 佢睇番報告話我小便有少少血, 所以都應該係尿道炎, 開咗3日藥比我, 但若果我再有其他腰間位置痛, 就可能係腎炎, 要食7日藥, 最慘係星期四我去曼城啦喎, 可能明天打去再講番我下午開始個腰位真係痛, 但尿痛又真係少咗喎, 不過依然係有啲唔舒服! 希望明天冇事! 之後去埋驗血, 個護士好好手勢喎, 之前喺瑪嘉烈實抽極都抽唔到! 返到嚟不久又要出去, 因為又比我free到個床頭櫃比仲爺, 廢事等老公回來先攞, 我就同仲爺用架滑板車去攞, 我見行25分鐘啫又唔算好遠, 但比櫃我地嗰嗰人好唔放心, 佢鄰居仲比條繩我地用等個櫃唔怕跌! 幾經辛苦返到嚟, 又要再去超市買午餐材料返去煮炒麵! 下午就睇電視同摺衫, 然後去揍德等等, 老公整屋整到10點幾都未返, 我地當然食飯先, 食完仲玩咗個幾鐘Switch呢!