19/6/18

19/6/18   TUE   WARM

放咗3日假真係超唔想返工, 但鬼叫你窮呀頂硬上, 朝早如常揍咗兩隻返學我就返工, 今日都有啲趕, 所以只係買咗三文治咋, 今日都真係好忙, 開工後我第一次望鐘已經差不多1點, 你話係咪好忙! 但只係係咁出EMAIL咋喎, 冇法啦怕有錯驗屍咁驗呀! 午飯後hea完又繼續努力, 一做又做咗兩個鐘先停一停, 今日真係夠哂充實! 放工老公嚟接我, 去長沙灣買埋藥比兩隻細, 兩個都有咳, 葉醫生又放假, 冇辦法唯有食藥房藥! 跟住去咗美孚大家樂食烤雞, 返屋企都係兩隻細沖涼啦, 我要落樓買包明天子元整午餐盒! 跟住同仲爺做埋功課, K.O.埋佢做埋運動我先沖涼休息!