3/6/18

3/6/18.  SUN.  HOT

今日老公又放到假又係星期日，真係要好好把握，朝早兩隻細一早就起咗身，不過我都冇理瞓到9點，起身快煮早餐就食埋再叫老公去攞車，先揍咗我同仲爺去球場， 佢再送子元去打鼓！我就喺球場吽1個鐘，有yoko喺到吹水，時間都好快過，踢完波一齊食埋飯先散，跟住返屋企就先搞掂仲仲的功課， 再輪到子元，溫得咁上吓醒起未簽手冊，簽嗰時先發現佢被寫手冊話常識堂時不守紀律，聽佢講完根本係好小事，只係喺老書枱等改習作時用筆劃白板， 頂， 真係好小事囉，個常識老師出名搞唔掂班上秩序架啦，同時六七個又出位又搞嘢咪㩒鐘叫人囉， 真係好鬼麻煩！搞到我又要用時間作文咁交比兩位大人，又同Mr So交代吓吹吓水，期間子元就做番欠我的練習， 做到7點幾8點先出去找地方食飯，近近地去咗新都會， 食吓行吓再買多咗兩件衫裙，返新工著嘛！回來都10點幾， K.O.埋佢地就自由吓囉！