6/6/18

6/6/18.   WED.    RAIN

今日又要程生過來車我地入青衣啦，老公一早返咗工啦，揍哂佢地返學就閃了，仲爺先好笑，今日冇得睇早會操嘛，佢知道咗開始嗲仔，係咁拖住我唔放，真係可愛到不得之了！返美孚食埋個早餐就去買餸然後返屋企，整吓嘢差不多時間就落去接子元校車，然後開始一天的困獸鬥，溫一陣就煮午飯先，食完就再繼續啦，今期啲嘢都算幾難咁，因為要分胎生卵生，跟住又地球咁， 溫書的時間過得好快，話咁快老公就同仲爺返嚟， 煮飯食埋打掃等又要睇功課，再同子元溫音樂啦，10點幾才放佢去瞓我先自由啦！嗰吓先睇到隻bear覆我msg ,我又係衰今朝whatsapps佢一句miss u so much， 但我真係比佢嗰日的flirt搞到亂哂，真係好辛苦，我點都要抒發咗佢出嚟，佢覆唔覆好我都要抒發！結果佢只係覆咗我一啲唔關痛癢的話，咁既然你當初都唔理我心情咁flirt我，我亦都唔怕flirt番你轉頭！再唔處理好我真係會痴線架！