21/6/18

21/6/18.    THU.    HOT

今日老公放假，所以可以揍仲爺返學，咁我就唔洗咁趕囉，佢車埋我去地鐵站先入青衣，我返到去食鮮奶脆片做早餐，不過唔知係咪個早餐呢，成朝個肚都喺到怪叫咁，呢排腸胃都麻麻地！今日都係忙忙碌碌啦，時間過得特別快！午飯後都係打吓機，下午又繼續努力，真係做足一個下午呀， 放工都遲咗走， 蝕咗添！老公接完仲爺喺美孚站接埋我，返去就煮飯，我就同仲仲睇功課，食完咪洗碗抺地囉，跟住都係沖涼打吓機咁啦，話咁快又一日啦！