10/1/22

 10/1/22     MON     COLD

今日叫做回復正常番少少, 但仲爺又唔洗返學校, 因為老師要自我隔離, 只可網課! 老公就一早出咗門口, 子元就有啲趕, 見到6分鐘有車, 好在佢都跑得切去巴士站, 不過啲車好難估, 有時又早有時又delay咁! 到仲爺網課啦, 原來唔係好似香港咁上, 而係upload咗啲嘢比你上網做, 咁即係我又要伴住佢啦, 好在都唔算有咩忙, 只係唔可以出去囉, 午餐食埋啲廚餘, 我只想睇吓電視hea吓, 等子元回來我就可以出去買埋呢幾日啲餸, 最緊要有奶, 咁我先可以沖咖啡, 今日冇飲, 下午就攰到瞓鬼咗! 因為德仔病咗今日冇返托兒所, 咁我就冇工開啦, 咪早啲煮飯食囉!