9/1/22

 9/1/22     SUN.    COLD

今日冇咩特別，老公帶子元去比賽，我就同仲仲喺屋企，食完早餐開電視睇，睇到佢哋返嚟！跟住到阿妹打電話嚟因為佢哋同阿媽食生日飯，所以開視像，傾咗一輪，我哋差不多又要準備出去，食午飯同埋買野，點知原來留咗件外套喺球場，咪諗住返去搵囉，但都搵唔到，我就喺group問吓，原來阿Sir攞走咗，下星期先俾返佢。跟住就去咗Broadway 食午餐同埋買仲仲嘅泳褲，不過今個星期都用唔到，因為三年級啲老師全部都要隔離，搞到要上網課，幾經辛苦我先至問到仲仲過Google Classroom究竟係點樣login！買埋食物返屋企，跟住就打咗一輪機，老公煮晚飯，食完大家都早啲休息啦，唔使返工返學咩！