7/1/22

 7/1/22     FRI     COLD

今日都係凍凍地架啦, 只係冇琴日咁凍啫, 只係捉仲爺起身返學, 本來想去超市買埋嘢, 但都係覺得凍, 快啲返屋企先, 完全唔理嗰兩條友, 鍾意幾時起身就幾時啦, 我有我做自己要做的事, 11點幾出去藥房攞埋藥, 再去Acton嗰邊食拉麵, 真係好好味個湯底! 然後就係去超市買埋今晚啲餸, 回來都要預備啦, 因為仲爺放學返來差不多就要出門口, 今日老公試吓跟住佢地撘一次巴士, 跟住我4點幾就要去接德德, 因為今日得我一個人睇住冇小幫手, 所以遲少少又要全程陪住佢玩, 不過一個有一個揍住的揍法, 單手一樣可以煮好飯仔, 不過今日6點幾佢爸爸先過到嚟接佢, 搞到我都冇賺! 等佢閃咗我就開始煮飯, 今日煮簡單蒸嘢同煲雞湯烚菜啫, 所以都好快手! 晚飯後又因為雪櫃內食物問題引起誤會爭執, 真係好煩, 其實間屋而家真係幾大, 老遠點知你地講咩啫, 啲嘢喺雪櫃有本事就食到架啦! 問咩鬼啫!