30/1/22

 30/1/22     SUN.    COLD

今朝瞓到八點多就醒咗，之後都去做一吓早餐，因為阿哥今日踢12點幾唔使咁早出去，本來我都唔想去球場，老公想問清楚子元嗰對新嘅球隊究竟係點，佢怕問得唔清楚所以係咁叫我一齊出去，佢都車我返嚟。返到嚟同阿媽佢哋視像，佢哋食緊團年飯，都傾咗成個鐘，跟住我就繼續做大掃除，因為得返今日可以做，明天又要返工啦。黃昏嘅時候， Mandy佢哋過嚟一齊玩，食個團年飯，多謝佢呢幾日幫手湊住細佬，近幾個細嘅就喺房玩唔知乜嘢，我哋就開咗套最新嘅蜘蛛俠嚟睇，又係燒腦系列。七點幾八點開飯啦，不過如果真係整得好多，都食唔晒明天我哋繼續食。洗完碗佢哋又繼續玩緊遊戲機，結果玩到10點幾先肯走。