28/1/22

 28/1/22     FRI.    COLD

好耐冇試過終於到星期五嘅感覺，其實工作嘅時間唔攰，但係來來回回同埋全日要做埋其他嘢就好攰，例如朝頭早要一早準備晒啲嘢，夜晚返到嚟又有其他活動，一係打波一係湊仔，根本冇咩時間，都真係需要啲日子重拾返咁忙碌嘅感覺。咁返平時喺香港都係咁上下，都係朝七晚11冇停㗎啦！今朝照樣揍咗仲仲去Wendy度，我就返工，因為單車踩得越嚟越好，所以都早咗去到目的地！返到去都係準備開工啦今日都係輕輕鬆鬆咁過，午飯忍唔住去飯堂再買啲嘢食，因為一兜菜同一個包，我頂唔到今晚八點。放學準時3點3就閃，3:30返到去，又要即刻執嘢同仲仲去巴士站，同佢先會合去球場，子元就自己搭車去踢波，都算順利！打完波炮哥車我哋返嚟，老公就接子元追嚟，晚飯簡簡單單食頹飯就算！