16/1/22

 16/1/22     SUN     COLD

今朝子元要比賽, 老公就揍佢出去, 我同仲爺喺屋企, 摺埋啲衫同阿媽傾吓電話咁, 12點多老公回程交換人質, 子元自己喺屋企, 我地就出去costco約咗事頭買嘢, 明明唔係set咗好多嘢要買, 但買吓買吓又好多啦, 不過相比之前又唔算太誇! 諗住買埋熱狗就閃啦, 點知熱狗竟然賣哂, 可惡! 唯有返屋企食囉, 跟住又要分拆啲肉類等等, 再要出車去事頭屋企攞單車, 本來諗住要炮哥嗰架, 但對我嚟講太高, 好在有Letty嗰架, 搞到佢好似單鋪咁! 終於運咗架車返去, 又要開始煮飯, 飯後沖涼睇電視, 10點幾先趕佢地去瞓!