30/6/16

30/6/16   THU   HOT

今朝子元7:05就上咗校車去泳池, 我地都係早過平時少少出門口咋, 諗住入青衣食早餐嘛, 仲仲見唔喺小巴站落車佢就好緊張, 以為我地唔比佢返學啦, 好好笑! 比佢食咗個早餐就快閃, 抱住佢衝過去好在啱啱趕得切咋! 咁揍完佢我咪返去太興食我個早餐囉, 然後一齊去九龍公園游泳池, 泊到位行得過去都九點幾, 不過都仲未輪到子元, 本來得一張飛, 只可一個入去架, 但我先入去再偷運一張飛出嚟接應老公, 咁就齊齊入去睇啦! 等到10點多先到子元游, 見佢都真係比心機過上年游, 不過喺佢嗰組都唔係最快, 但我地都明至在參與的道理, 都冇求過D咩, 反而係叫佢快D換衫算啦, 睇到10點幾我都要閃了, 諗住去同老公入埋標我就撘地鐵過灣仔啦, 路途上收到msg竟然話子元踢板賽攞到季軍喎, 真係驚喜喎, 係咪佢收買咗個計時員呀, 不過佢今次係游得努力GE, 同埋男仔的競爭細好多! 老公今日就負責照顧佢啦, 我就先去灣仔交咗文件, 再撘叮叮過商會放低嘢去食飯, 然後返嚟開會啦, 本來個會就好早完GE, 點知D人捉住老細佢地吹水, 搞4點到先走得, 可惡! 返到屋企我好攰呀, 老公佢地啱啱返到, 沖個身休息吓5點幾入去青衣, 接埋嫲嫲到仲仲, 去咗愉景新城晚飯, 又去咗食日本嘢, 不過我真係唔多舒服, 好在去吓廁所後已經好D! 食完睇多陣玩具, 又去咗夾公仔就返屋企了!

 

 

 

 

 

29/6/16

29/6/16   WED   HOT

今日都係如常咁返工返學啦, 子元返埋今日全日就只是返半日啦, 我呢幾個月都唔洗整飯, 太好啦! 朝早揍完佢地就返工啦, 都係做吓自己嘢啦, 冇咩特別! 午飯後老細都有返嚟, 因為要開會嘛, 不過真係好那個囉, 開咗D基本嘢已經唔比咁多人列席開會, 淨係佢地sales咁喎, 是但啦都唔到我理! 攞齊明天開會呀交文件呀嗰D嘢, 借D二明天直接出去唔返公司啦, 咁就可以去睇子元水運會! 放工去接埋子元就回家啦, 老公今晚去踢波, 喺樓下放低仲仲佢就走啦! 我仲要揍住兩隻返去煮晚餐, 簡單地只係整鳥冬咋, 慢慢整得嚟食都和平日時間差不多, 同佢兩個沖好涼就捉仲仲瞓覺, 子元就放佢自由吓啦, 係要佢執好明天D嘢啫, 我就係到試吓衫囉, 明天開會著咩, 下星期去今飲著咩咁, 都玩到11點幾老公回來呢!

28/6/16

28/6/16   TUE  RAIN

今朝子元出門口校車就落雨, 佢真係貴人! 之後就揍仲仲返學啦, 買少少早餐返公司, 都唔算太忙啦, 做吓嘢咁! 午飯食完個細細個飯盒, 跟住都係睇吓電視! 下午都係做吓自己嘢啦, 等夠鐘就收工, 返去接咗笨元就返屋企, 老公都好快嚟到, 但去到Ann到等咗差不多一個鐘先有得剪, 早知真係去食咗飯先! 以為仲仲今次又喊爆啦, 點知今次比朱古力收服咗, Ann先比咗朱古力佢食, 到要剪時話乖乖剪完再比, 咁仲仲就叫我唔好捉住佢個頭啦, 到剪嗰時叫佢望住塊鏡, 嗰個樣先好笑, 笑到四萬咁口縮起條頸, 不過總算平平靜靜地剪完啦, 三父子個頭又一樣樣啦! 剪完都差不多9點, 好在燒味鋪仲有開, 快手食完好好味的燒味飯就返屋企, K.O.咗佢兩個, 沖完涼仲有好多嘢執咁, 摺埋衫都11點幾了!

27/6/16

27/6/16   MON   VERY HOT

今日都係如常咁返工返學啦, 朝早要整餐盒比子元, 都要D時間! 揍埋仲仲返學就返工, 都係做吓自己嘢先啦, 跟手開吓會咁啦, 午飯要去買飯盒, 下午真係要做嘢啦, 寫商會議程, 之後又要排吓呂太娶孫新抱單嘢D坐位啦, 咁又一日收得工啦! 去接埋小笨就回家煮飯, 老公返嚟沖好涼就食飯, 仲仲喺嫲嫲到食咗, 所以唔洗遇佢食! 之後都係洗碗抺地沖涼等等啦! 又要捉子元執好佢張枱, 亂到呢, D嘢亂咁放! 執得嚟都10點, 快手捉佢瞓, 我先去沖涼! 跟住就要摺衫啦, 3機衫摺到12點幾1點!

26/6/16

26/6/16   SUN   VERY HOT

今日節目豐富! 朝早如常畫班啦, 本來問我地好唔好一齊上遲一堂, 但其實仲仲都一早起咗身, 我地又唔想拖到咁晏, 於是都係上番9點嗰班算! 因為時間關係叫子元落樓買麵包食咗先, 再喺停車場口等我地, 大個仔啦可以試吓自己嚟! 揍咗佢去畫班我地就去早餐, 然後再去萬寧買嘢, 差不多夠鐘就接番子元啦, 然後出尖咀, 因為老公睇到有間tomica專門店定展覽咁上吓, 咪帶佢地去睇囉, 原來喺正商務對面, 我馬上把握時間去買暑期作業啦, 成語字典同唐詩比子元, 今個暑假同我用D心機睇多幾隻字! 之後去食午餐啦, 然後去咗The One行, 因為老公未夠鐘踢波, 行到兩點幾就攞車過青衣啦, 佢地喺車瞓哂, 所以hea到夠鐘先出去, 實在太曬太熱啦, 佢地兩個攞哂單車出嚟玩, 不過仲仲唔係好渣得掂嗰架冇腳踏車, 勁慢! 開波後子元出咗外圍自己踩, 仲仲就要等半場先同哥哥一齊去遊樂場玩, 不過我就熱到溶囉! 等到6點多老公先肯走, 上去嫲嫲到沖涼呀, 全部濕水鴨咁! 沖完就去翠怡晚飯, 快D返屋企睇瑯琊榜大結果, 期間仲有好多嘢做呢!

 

 

 

 

 

 

 

 

 

 

 

 

 

 

25/6/16

25/6/16   SAT   VERY HOT

今日如常咁返工啦, 朝早都勁唔願起身架, 子元都算係咁, 揍咗仲仲出去, 但兩個又係係咁打架呀爭嘢呀咁啦, 仲仲又係到做戲子, 洗唔洗咁慘, 唔好以為我唔知有時係仲仲衰先呀! 起身後收拾嘢返工啦, 下午又有活動, 所以都要執齊嘢! 返到去都係如常咁啦, 不過就收到多個好消息, 就係下個月起, 星期六有得返長短周, 雖然未至於可以返5日, 但為番起等於多咗13日假, 啱哂我成日要請星期六假期的人呢! 放工老公嚟接我, 仲仲已被賣甩喺嫲嫲屋企, 咁我地食完嘢就可以去學校睇子元歌詠呢, 泊得車嚟都2點啦, 所以上得去都啱, 未算好前但都OK架啦, 歌詠喺第一組表演, 見佢個口都有郁啦, 算係咁! 之後都仲有好多表演, 有D都幾好笑有D就好悶囉! 到4點幾散場, 要接番佢地食飯先, 買咗COCO咖哩上程家食, 因為6點前又要返番學校表演晚場, 子慧要表演跳舞, 又要化妝又要換衫! 我地本來諗住入青衣接咗仲仲再找地方晚飯, 咁gloria又唔係好肯定學校放唔放佢, 最終就快手入青衣接咗仲仲再去長沙灣食囉, 其實就冇咩所謂GE, 總之唔喺番AEON食就得啦! 9點接完佢地又話要去食嘢, 結果返得屋企都10點多, 快手沖好涼我要睇瑯琊榜呀!