21/6/16

21/6/16   TUE   HOT

今日老公返啦, 真好! 朝早我都係一打二揍返學啦, 遇啱時間上車就唔洗喺街等咁耐! 返咗學我就去買早餐返工啦, 朝早都係做吓自己嘢囉, 午飯後都係打吓機hea吓啦, 因為新劇真係完全唔好睇! 下午都冇咩特別, 老細返咗嚟, 好在冇走過嚟煩住我地! 放工就閃人啦, 返去接笨元, 知道老公4點幾落咗機我已經安心架啦, 佢仲可以過埋嚟車我地入青衣, 咁我同笨元咪去咗食住豆腐花等佢囉! 返到青衣, 個衰仲當我透明咁走埋去摟個daddy, 可惡呀! 跟住佢地就係咁食食食啦, 除咗正餐又食雪糕咁啦! 到8點幾我地先返屋企, K.O.咗仲仲就可以沖涼啦, 都係做番D日常嘢, 咁而家又唔洗睇功課係輕鬆好多! 我仲要趕住睇瑯玡榜呢! Hea到12點多才瞓!