24/6/16

24/6/16   FRI   HOT**

星期五都係忙碌的一天啦, 朝早要整午餐盒比子元, 仲仲又醒咗喎, 所以都幾難搞! 都叫做on time出到門口, 跟住就要同仲仲換衫, 今日表演summer song, 要著便服呢! 剛趕到開門前入去, 車埋程太去地鐵站, 返到公司都係咁做嘢啦, 午飯後睇吓電視, 下午老細返咗, 但都唔算阻住我地GE, 所以都係各有各做嘢, 放工就去買餸啦, 返去放好嘢又要出去小童接佢地, 不過都唔洗太急, 因為要等陸生接完仲仲同婷婷先來車我地去泳池! 返到屋企就快手煮飯啦, 兩個細自己玩其實OK架, 叫老公幫仲仲沖涼先啦, 點知我就快刀手切損手啦, 切到手指尾, 都少咗忽肉呀, 但都要繼續煮架, 咪用紙巾包住佢先囉, 等老公搞掂仲仲先救我! 8點多佢地上到嚟就沖涼啦, 早D開飯, 一來老公又要去踢波, 二來我9:30要睇瑯琊榜, 洗好碗抺好地得番10分鐘唔夠, 電視佢地又睇緊99台, 咁我咪用電話睇囉, 攞埋入廁所睇添呀! 10點幾佢地走埋, 趕埋子元去瞓我就hea啦, 竟然瞓鬼咗喎, 到12點幾見老公都未返就打比佢囉, 踢到咁夜先返!