6/6/16

6/6/16   MON   HOT

今日請咗下午假返去幫佢溫書, 所以朝早做好D嘢先啦! 今朝揍咗子元校車返上樓仲仲先醒, 仲識得話去廁所, 掛住幫佢換衫等等, 唔記得咗整脆片早餐, 所以揍咗仲仲就去食個早餐先返工! 朝早要開會, 我都係sit會囉, 冇咩關我事咁, 唉…遲早唔洗我架啦! 開完會就做自己嘢啦, 搵D卷比子元做吓囉! 夠1點就閃, 返阿媽到食埋飯先, 再同子元一齊返去溫書, 2點幾開始溫, 又休息吓又溫吓咁啦, 夾埋都有溫咗兩個幾鐘GE, 佢唔係嗰種你比10份卷佢做佢就好, 佢只會發炆唔鍾意再做, 要靈活囉變通囉, 我只叫佢寫咗一篇看圖作文咋, 都有錯架, 講咗比佢知唔知佢到時點發揮啦! 6點幾開始就煮飯, 但老公都7點幾先返到嚟, 我已經一早煮起哂啦! 食完同佢兩個沖好涼玩一陣, 我都沖埋涼先啦, 9點幾趕哂兩個去瞓, 9點幾我就自由啦, 仲可以睇琅琊榜呢, 睇埋看見味道的少女就瞓啦!