7/11/22

 7/11/22.    MON.    RAIN

今日照常返工返學，好在返學嘅時候都冇落雨，返到去都係正常咁開工啦，今日Bella都好正常喎，反而係我個時間表都唔係好正常，上司好似冇安排到我食飯嘅時間，佢以為有另外一個同事會同到我就可以去食飯，但其實唔係囉，我唯有WhatsApp佢，咁佢之後就安排返人哋cover我食飯。放工準時走人，我試吓可唔可以趕得切去學校接細佬，不過今日路途上有啲阻滯，趕唔切去老師面前接，返到屋企，又要準備出去買餸，嚟緊開始淨係星期二三四先至要湊德，突然之間太空閒好似唔係好習慣！買完餸返嚟整咗個麵食，就開始準備晚飯嘅材料，因為今日都幾多嘢整！老公咁上下時間返嚟就接子元練波，我哋今日又要分上下半場食，又要食碟頭飯！我哋唔懂佢兩個喇，一路食一路睇咗今日套季前賽先，都係幾好笑！