14/6/17

14/6/17   WED   RAIN

今朝出門口時明明有雨架, 點知出發咗就落雨, 我著咗波鞋添架, 去到仲爺學校時找到個橋底位落車時冇咁狼狽, 但行上學校的樓梯又變咗水梯, 幾經辛苦先行到上去, 又大雨到喺橋到都濕哂! 但當揍咗仲爺入去上番車又細雨啦喎! 返到公司都係做吓自己嘢咁啦, 今日冇咁忙啦, 老細又返咗大陸, 終於又可以平靜吓! 上午都係開吓會咁啦, 午飯後就係睇吓電視咁囉, 下午都係做自己嘢, 冇咩特別啦, 放工接咗子元回家先, 叫佢沖個涼先啦, 有冷氣都濕哂! 等老公嚟接我地就先去換車呔, 然後就去食嘢, 再去AEON shopping, 玩到9點幾10點先返屋企, 真係夠哂開心! 返到去快手沖涼瞓覺, 今晚太夜執唔到嘢啦, 不過就攞咗D紙箱返嚟先囉, 老公成日話要買箱, 我就覺得睇埋呢幾日執成點先囉, 唔洗咁急, 反正20號先請假, 咁多日執完可能夠呢! 沖完涼摺埋衫睇埋妙手先瞓!