26/6/17

26/6/17   MON   HOT

今朝仲爺竟然唔一早醒, 琴日應該夠佢攰! 揍咗子元上校車就返去叫醒老公搬嘢落車, 然後揍仲爺返學啦, 今日趕唔切接更啦! 返到公司都係寫番D日記同開會啦, 原來星期四開始已冇寫, 一寫寫番4日真係差D唔記得發生過咩事, 寫得嚟開埋會都放lunch, 又要出去買飯, 今日食好D, 買咗壽司食! 下午老細返咗嚟, 問吓佢嘢咁啦, 點都有嘢做吓GE! 收到老公電話, 話佢公司嗰到突然放唔到D傢俬, 嗰吓我真係頭都大, 係咁諗仲可以放邊囉, 首先係諗到廠個倉, 我知有個係放唔值錢嘢, 打咗入去問個同事都話有位, 但就要星期五攞入去, 不過重點係要問老細, 咁就死啦問佢就好煩! 跟住我就諗到放去商會, 反正嗰到有個房吉咗喺到, 時間又控制得到, 星期日先放去都得, 就咁決定囉! 放工接咗笨元返屋企, 老公會過來接我地, 因為要搬埋雪櫃D嘢過去, 都要沖個身先出門口, 笨元濕哂! 過到去已經差不多開飯, 咁咪幫手開飯囉, 食完睇埋電視睇到9點多先回家, 老公又要去銀行等等, 最終10點先返到屋企, 仲爺又唔合作, 呢條友要教架啦, 最終入房瞓時就入去教訓佢一餐囉, 唔好意為過到骨, 我係唔會放過架! 沖完涼都11點, 點執嘢啫, 只係叫老公收拾咗梳化附件D嘢囉, 睇埋11點套劇大結局都攰啦, 所以都冇睇哂妙手就瞓啦!