3/6/17

3/6/17   SAT   HOT

今日長周要返工呀, 但仲爺都冇放過我一早就嘈醒哂全部人, 除咗daddy啦, 嗰個好難嘈醒! 咁8點起身梳洗出門口返工啦, 返到去都係做吓自己嘢, 又搵吓英文練習比笨元做啦, 所以忙忙碌咁又一朝, 本來諗住我買KFC返去食就算, 但因為廠攞咗D紙箱出嚟比我啦, 就叫老公嚟車埋走囉, 咁就順勢去食埋KFC先回家作戰! 返到去老公K.O.仲爺, 我就同笨元溫英文, 因為唔同佢一邊做一邊溫, 根本唔知佢唔明D咩, 除咗英文再溫咗一半常識啦, 唔覺唔覺溫咗4個幾鐘, 我都覺得自己好勤力! 咁努力完梗係要去放鬆吓啦, 同埋都要去食飯架嘛, 所以就近近地去咗葵芳新都會, 試吓間韓燒, 感覺上都幾正宗吓, 不過有D貴啦, 咁早餐午餐慳咗D, 晚餐食番貴少少啦! 食完就去咗葵廣行, 睇吓嘢咁咋, 返屋企都快手沖涼瞓覺啦, 老公11點多出咗去睇波, 我就冇佢咁好氣啦, 早D瞓!