15/6/17

15/6/17  THU   RAIN

今日如常咁返工返學啦, 買埋早餐返公司食, 跟住都係做吓自己嘢自由吓啦, 因為下午又要開甚麼Annual Dinner的會! 午飯後都係睇吓電視咁啦, 下午返去準備吓就開會啦, 老細唔係到, 得大老闆娘, 係開得順暢D GE, 唔洗一個鐘都講完啦, 而老細好明顯係想趕返嚟開, 但佢返到嚟剛開完囉, 結果又要再pre一次比佢知, 咁我一個下午都喺會議室啦! 因為期間又有甚麼中山市的藥監機構想嚟搞座談會, 但商會一向對呢D都冇咩興趣架啦, 似係搞對接會嗰D, D會員平日開會都唔願出席, 何況過兩日又開會啦, 你叫佢地一星期嚟兩次, 真係好難囉! 但佢地大陸D人真係以為自己好巴閉架, 等佢地嚟先識上大陸做生意咩, 我地會嗰D商家一早上咗大陸啦, 等得你地嚟招商先識就食米田共啦! 放工打比阿媽睇吓佢去睇醫生睇成點, 因為遲咗到所以都係要等, 最後決定老公放工入沙田接阿媽同笨元, 我就入青衣接仲爺, 等到差不多時間就出長沙灣會合, 因為已經7點幾, 所以食粥算啦, 食完返屋企沖好涼又開始執嘢, 今晚好叻呀, 執咗我d冬天衫, 一個紅白藍裝得哂, 老公就執咗個五筒櫃, 子元都執咗佢個掛層袋, 但就11點幾先瞓囉, 我同佢影埋D卷都11點幾先開始摺衫呀, 攰到睇咗陣妙手都頂唔住要瞓!