31/5/22 TUE RAIN
話咁快又第二日假期, 放假時間總係過得快! 朝早瞓到8點幾, hea到9點多先起身整早餐, 食完就捉仲爺去做功課先, 做完之後想點都唔理住! 每日各兩頁英數, 都算做得快架啦! 做完又一齊打機, 哥哥又一齊打喎, 半路中途又要煮午餐咁, 之後又接到舅父仔電話又傾咗一輪, 佢地應該又唔會返上嚟呢頭住, 果然有錢是任性, 慢慢諗都仲得! 2點幾時突然天都黑哂咁, 原來唔止落雨, 仲要落冰雹喎, 又密又大粒咁幾誇張! 差不多5點又要去揍德仔啦, 落住雨行返嚟都幾係嘢, 煮咗牛腩飯比佢又唔食, 梗係喺學校party飲飽食醉啦! 等佢爸爸嚟接走佢, 老公沖完涼就煮飯啦, 開住新追的尚食嚟送飯, 睇到9點先去洗碗然後沖涼休息!
30/5/22 MON COLD
第一日Term break, 都係瞓到7點幾8點多, 已經算好好! 起身梳洗整早餐, 食完覆埋個電郵就叫哂兩隻嘢換衫出去, 子元話要去買校服嗰件polo嘛, 咁咪要撘出出去買囉, 原來巴士加咗價呀, 而家要1.65磅, 好在來回點都一個鐘搞掂咁回程先唔洗錢! 返到大街買埋菜呀等等就回家, 先捉仲爺去做功課, 唔做哂唔准食午飯, 結果都搞到點幾先做好, 本來諗住整個pizza食就算, 但原來係唔夠架, 最終大家都要整多個麵食先得! 跟住冇咩做啦就一齊打陣switch, 差不多5點先去接德德, 終於大家都叫做病好, 因為琴日冇煮飯, 咁就用薯仔代替, 用咗薯仔煮豬肉比佢, 最終都食哂! 5點幾佢地出哂去踢波啦, 咁德仔唯有陪我睇劇啦, 等到佢爸爸嚟接咗佢我就準備煮飯, 所以都唔係好遲有得食, 之後都係清潔完沖涼休息!
29/5/22. SUN COOL
基本上今日我都冇出過街，佢老公帶咗佢兩個出去踢波，我就喺屋企休息吓！朝早七點幾就醒咗，食完早餐，佢哋就睇埋電視先出去，估唔知做咩個胃痛，可能未食早餐就食咗粒抗生素！勾到佢哋出晒去我就開始做嘢，吸塵抹地洗衫洗碗，你啲嘢都有排做！仲要打電話俾阿媽傾吓計啦，未夠兩點佢哋都返嚟啦，出去買外賣午餐，都係食Sam Sam雞！跟住都係接下衫睇吓電視咁，琴日來玩我哋敲門嗰幾個細路有測驗，有一次我最出去，佢哋即刻走，但係我都捉唔到佢哋係邊間呀，不過唔緊要，我返去即刻拍佢返CCTV啲片，總有機會俾我知佢哋去邊間屋，我一定話俾阿媽知！之後開咗套戲睇啦，差不多七點叫老公起身煮晚飯，簡簡單單食咖喱飯就算啦！
27/5/22. FRI. WARM
返埋今日就放term break啦，真係好開心！朝早都早啲食藥噴鼻要做，好彩都趕得切出門口，揍咗仲返去我又快手返學，因為而家Bella 返9:10 ，實在係冇咩時間比我hea！今日慶祝女王jubilee，學校搞咩午飯時間garden party，但其實只係分唔同年級限住佢哋坐咗喺草地上面啲枱度食午飯，都唔明個意義係邊，所以上堂啲時間掉轉晒，搞到大家都冇晒啦！咁今日都算順順利利完成所有工作放工即刻閃人，返到屋企哥哥已經接咗細佬，咁快手搞掂啲嘢就出門口去打籃球，我都冇嘢買，返屋企休息吓啦，我係病人嚟㗎嘛，又唔使湊德德㗎 ！到六點幾七點開始準備煮飯啲嘢，返到嚟八點多開飯，食完都係照樣沖涼休息！
26/5/22 THU COOL
今日要返工啦, 唔係冇糧出呀, 鬼叫我窮呀頂硬上, 好在日頭唔算太嚴重, 係有時一咳就要出課室, 唔好嚇親人啦! 今日都係跟Bella, 佢9點多先到, 但又唔想上第一堂, 於是我同老師講聲, 我陪佢企喺出面, 咁又陪佢講咗一個鐘嘢啦! 佢見我病, 冇返兩日, 佢話掛住我呀, 真係估佢唔到, 另外我記得佢明天生日, 佢亦好興奮, 我諗佢對我已經建立咗一份信任, 都幾意外! 到法文堂係考試, 我都冇咩好做坐足成堂, 小息就出去吹吓風囉! 到food technology, 遇咗佢咩都唔做, 因為佢冇帶材料, 咁頭半堂我去放飯唔理啦, 回來都就放lunch都唔郁住啦, 午飯時遇到Bio老師又傾咗陣啦, 下半堂返去終於老師忍唔住又唔知想叫bella去邊, 好在最終只係請佢去對面個房用電腦做poster, 咁我就無人看管吓可以睇吓機囉, 完咗呢堂最後上Art, 要佢地完成上次嗰堂的掃描, 全部人都算好好完成, 準時放工先返屋企, 因為細佬要玩遊樂場, 咁我4點多先過去接佢! 回家後死咗咁喺梳化半睡半醒咗大半個鐘, 6點幾就要去家長會, 好在係視像, 不過都大半個鐘, 我簡直係用埋最後的意志去完成! 咁啱諗住煮飯時舅父仔佢地打嚟, 應該諗住搬番嚟呢頭, 但找租期間要有地方住, 本來佢地之前話嚟住一兩星期我都OK, 但要起碼一個月我又有啲卻步, 始終唔係咁方便, 諗緊試吓問番之我地租嗰間BNB, 睇吓點啦! 老公煮飯我休息, 諗住都係開始食抗生素啦, 點知過咗陣一咳得勁嘔哂, 唉...真失敗, 之後食飯等等都冇哂力量, 因為真係好辛苦! 子元就好乖仔咁幫我洗埋碗, 佢真係暖男嚟, 抵我咁錫佢, 雖然有時係唔爭氣! 今晚都係冇得好瞓又鼻塞又咳架啦, 快啲好番啦我就嚟支持唔住啦
25/5/22 WED COLD
今日繼續病假, 因為真係唔多掂, 對眼琴晚係咁流水, 然後封住咗咁, 幾辛苦先打得開! 然後咳呀鼻塞冇停過, 為咗想攞到抗生素, 我都係打多次去GP再約醫生! 揍咗仲仲返學回家抖陣就行過去, 醫生又見到我, 我同佢講咗對眼等等唔舒服, 佢再幫我聽個肺係冇事, 本來都唔會開抗生素, 只係比咗眼藥水, 但佢見我咁唔安心, 或者怕我又嚟搵佢麻煩, 所以最後都開咗抗生素比我, 若果3日後都係冇進展先食, 咁攞好藥咪回家休息囉, 只係去超市買埋嘢咁, 好好休息煮個午餐等, 夠鐘又要接仲仲, 又要揍佢去學結他, 好在老公回來煮飯, 咁又可以hea吓! 明天睇怕都要返工, 因為再唔返就冇錢收架啦, 我莫水呀, 鬼叫你窮呀頂硬上!
24/5/22. TUE. WARM
今日係第一次請病假，因為要去GP睇醫生，但一樣要做晒朝頭早要做嘅嘢，就係送晒佢哋返學，去到GP先去Reception登記咗，跟住就去醫生房門口等，等咗15分鐘左右先有得睇，因為醫學名稱實在太難明，最終醫生用埋Google Translate，佢用英文打，我用中文睇，咁我起碼知自己咩事，原來鼻竇炎，佢淨係開咗噴鼻嘅藥俾我，但就冇開抗生素，落去攞埋藥就返屋企，跟住全日都主力休息吓，除咗要去接細佬放學，但其實真係噴鼻嘅藥，我覺得都唔係好足夠，因為到夜晚，其實係嚴重咗少少，因為隻眼都開始唔舒服，有啲結膜出現，唯有瞓之前再噴一次地，睇吓聽日好唔好啲，我都已經出email請多咗日假，咁嘅狀態冇可能返工，個鼻塞到抖唔到氣，只可以用口，間中仲有啲暈，把聲又勁衰！希望快啲好返啦，真係好辛苦啊！
23/5/22 MON WARM
今朝真係好爭札返唔返工, 因為起身時仲係好病, 但請咗假又未必咁快有醫生睇, 再睇吓今日嗰更跟Aishia, 咁就不如照返工啦! 最難係要打電話去GP登記, 8點多已經開始打, 但要出門口都未輪到我, 唯有駁住hand free繼續等, 最終都叫做打到啦, 等醫生打返嚟, 所以我整個上午都戴住head set以防有電話聽唔到! RE堂都OK, 但到Drama時又係失控啦, break後Art堂係代課, 成班喺到顛哂咁, 我都冇能力控制, 加上食咗藥又冇飲咖啡, 我一坐低就中眼瞓! 所以後來都keep住行等自己醒! 午飯時間再打去GP問, 佢都係話叫我等, 咁一路等到放學, 送咗個同學去Reception後就問吓啲同事, 若果真係要請病假時要點做, 再加番場戲啦, 等我明天請假都順利啲! 去到學校接咗仲仲就回家, 呢兩日都冇得揍德仔, 佢地全家應該仲病得西利過我地! 返到屋企又要處理吓公務, 再出去買埋餸, 回來後老公都返嚟接佢地去打波, 我亦等到GP打電話嚟, 佢見我又係同樣症狀, 所以要我明天去GP親身睇, 咁明天唯有真係請假啦!
21/5/22. SAT. WARM
星期六梗係瞓到自然醒啦八點幾九點醒咗，差不多10點先落床，整完早餐食得來又要出門口啦，因為幫哥哥搵咗間補習， 12點至1點去做assessment，佢數學有75%，但英文得45%， Science仲差得5%，所以決定六月開始逢星期六補四個鐘，三個鐘Science一個鐘英文！咁都係為佢好姐，但佢因為冇得打機喺度黑面好煩！然後去咗榮業行食午飯同埋補給出前一丁，買完返屋企睇吓電視接下衫休息吓，五點幾又要出門口，因為約咗舅父仔佢哋喺Broadway嗰邊食晚飯，一食就三個鐘，係咁傾計啦，仲仲同子元就睇機打機，所以都冇咩嘈！最後幫佢哋車咗兩件行李存放喺我哋度先，佢哋到時穩定咗住嘅地方先至再攞返！
20/5/22 FRI WARM
終於到星期五啦, 返埋下星期又放term break啦, 今日都係要努力工作架啦! 返到去都有啲趕啦, 快快手手準備好開工, 果然Bella算好準時返到, 我就第一次上到未上過的西班牙文堂, 查實都幾悶吓, 上一種你完全唔識的文字的堂都真係幾悶! 然後到音樂, 教吓學生彈琴都易過啲, 小息時完全唔想郁, 因為落雨嘛個個搵地方避雨! 然後都最難捱的兩堂英文, 重點唔係英文, 係Ms Rice, 佢又示範咩叫冇人明佢講咩, 上半場好啲, 有半個鐘放咗飯, 半個鐘教日本妹做吓練習, 午飯後明明好地地繼續教架嘛, 點知佢又話要睇吓Bella, 咁佢做哂你叫做的作文休息吓有咩問題呢, 真係好撚煩, 另外原來有個學生又話要去sickbay, 佢又講到一舊舊咁我都唔知原來叫我帶佢去! 終於捱完呢堂, 上埋history就閃得! 放學都好忙哟, 先去學校接仲仲, 今日有ice lolly sale, 我都買咗條食吓, 跟住去公園一陣, 4點3又要返學校家長日, 都幾好呀知道仲仲學嘢學成點, 佢都係要練多啲英文架啦, phonic都係要自教架啦, 好在當年都學咗啫, 最終喺公園差不多5點先走, 回家後又要處理文件, 好在今日唔洗揍德, 因為佢都病咗嘛, 咁可以好好做吓嘢休息吓, 早啲食飯輕鬆吓!
19/5/22 THU HOT
今日都係咁返工啦, 朝早都遲咗出門口, 去到學校已經開咗門, 咁安心見到仲仲入學校都好! 跟住到我返工啦, 知道今日又係Bella都覺得有啲攰, 但鬼叫你窮呀頂硬上, 第一堂就去門口等佢啦, 點知等到10點佢都未到, 已經問咗reception, 好在最後佢阿媽都識打嚟請假啫, 聽到佢唔返我竟然覺得開心, 因為我今日就唔洗咁辛苦! 照流程就返AL1問吓我改跟邊個, 咁啱替更冇人嚟幫手, 咁我就轉跟Alyia, 呢個可以話係最易搞, 只要唔理佢就可以! 不過今日啲堂都唔易上, 先係RE, 教又教唔到又要扮嘢都幾攰, Break後兩堂History, 又係嗰個惡老師, 我主力變咗教個日本妹, 但個日本妹好似唔係好知點上堂咁, 同其他幾個日本妹好唔同, 佢英文程度我覺得唔比仲爺好幾多, 但佢已經year8, 除非佢唔係諗住喺到長住, 唔係都幾大穫! 我抄好嘢比佢佢就照抄, 但都唔知佢明唔明, 辛苦哂大家! 午飯等Alyia食完我就可以開飯, 但實在係好肚餓, 睇住佢地食好辛苦! 放完飯就返去繼續上History, 個惡老師其實真係唔明呢班喺佢手上已經係算合作, 仲喺到嫌, 仲問我佢地係咪堂堂都係咁, 我真係好想叫佢嚟睇吓最尾呢堂Geo, 代課之下根本就係失控, 我都第一次試吓大聲叫quite, 但其實係冇咩用! 準時收工走人, 先去事頭架車到攞炮菜, 跟住去公園接仲仲, 今日直接回家了, 我要休息! 4點幾出去買埋餸再去接德, 學校話佢又倒哂啲食物又有啲熱, 睇嚟都係病啦, 接咗佢返去, 煮咗飯都食得唔多, 撞正佢地兩公婆啲火車又勁delay, 差不多7點先嚟接到佢, 德仔已經伏咗喺我到瞓咗! 睇嚟明天應該都唔洗揍! 佢接走咗又到我地要準備招待客人, 舅父仔佢地終於過到嚟, 住Broadway嗰邊佢地話行過嚟比啲嘢我地, 咁就留埋佢地晚飯啦, 吹水吹到9點幾老公就車佢地返去, 我地都沖涼休息啦!
18/5/22 WED. HOT
今朝試吓泵帳返㗎單車嘅呔氣，湊咗仲仲返學，都仲支撐到去學校附近個路口，最後一段要行返去，總算唔使遲到！返到去照常咁開工啦，今日都係唔好過㗎啦，見到Bella返嚟木口木面個樣招呼都唔打，仲要上足五堂，其實佢每一堂都冇寫過任何嘢，咁樣真係上到堂嘅咩，其實佢真係唔係好適合喺正常學校，點解唔去啲啱佢嘅學校呢！午飯時間覆下啲電郵同訊息，基本上快食完又要開工，午飯後諗住都係返去嘥人繼續發吽豆，點知佢又唔肯入課室，走咗去AL1，最終喺花園坐足一堂，最尾一堂先至肯郁身，仲要唔願上課室，送到佢個好朋友嗰層，佢又呆咗，幾經辛苦得咗佢上去坐低，總之佢唔自殘我就算數，今日又係代課老師，所以又係秩序失控！終於等到放學啦，諗住東晉左單車個車貸，可以捱到去單車舖啦，點知都未出學校，就已經爆咗！唯有推住架車行返去，同事要打俾哥哥，安排佢揍仲爺去學結他，我就攞㗎單車去整，再去買藥，同埋啲餸！然後去接返仲仲，攞返㗎單車，再去接得滯，點知佢見到架單車係都要坐上去，但係呢間根本唔啱佢錯，俾佢試咗之後落返嚟就開始喊，全程都喺度喊，其實真係好想中佢，係我個仔打咗好耐！最後要仲仲幫我推個單車返去，我就拖住個喊包行！返到去，又要煮又要威又要執嘢，其實真係好攰！等老公煮飯嘅時候我仲要摺埋啲衫，轉頭又開飯啦，點解我日日都咁忙㗎 ！
17/5/22 TUE HOT
今日其實都唔夠20度我已經覺得好熱! 朝早返到仲爺學校門口見到熟人馬上交收咗佢就走, 返到學校連咖啡都飲唔切, 因為今日睇另一個簡單學生, 所以都要即刻去佢課室, 最慘佢係連續兩堂都係代課, 辛苦死我囉, 啲老師都冇交代清楚做咩又冇工作紙咁! 終於放break, 喺操場企吓啦, 見到letty時佢竟然少有地走埋嚟, 原來話有人搜書包搜到電話收咗, 佢地又驚啦就放哂啲電話喺我到, 咁都幫吓佢啦, 約番放學喺loletta架車到等交收番! 捱多堂Drama又要等個學生食埋飯先可以開飯, 餓死我啦! 食完都遲咗上緊堂先返去, 因為我都要休息夠半個鐘先得架嘛! 上埋Drama同音樂即閃, 期間都偷偷摸摸咁覆吓message啦, 因為都要聯絡地產嗰邊嘛, 原來間屋真係on chain, 咁只能希望條友快找到屋, 同時我地都可以再search吓有冇其他盤啱囉! 放學接完仲爺時發現架單車漏氣, 攞咗去救, 佢再幫我pump咗氣但如果今晚再漏就要換, 吓又嚟! 但都唯有照做啦唔係可以點啫! 然係都係如常咁揍德仔啦, 佢地兩個今日都冇去踢波, 病病地就休息一天啦, 老公去剪埋頭痛先返嚟, 我今日都幾攰因為朝早冇飲咖啡呢! 又好多嘢都未做好咁加上仲有咳, 真係好辛苦!
16/5/22 MON WARM**
今日又要返工啦, 而家我變咗主力跟Bella, 冇法啦因為根本唔夠人, cover只可以跟啲簡單case! 所以我局做啦! 今朝仲要好趕, 仲爺又慢手慢腳, 明天都係要快啲叫佢起身先得! Bella今日仲要返第一堂, 仲諗住可以hea番堂架嘛, 結果要上足5堂呀陰公! 佢今日其實堂堂都冇上有寫嘢咁, 搞到我長期要留神佢都幾攰! 午飯都係快食, 仲要覆吓email咁! 終於捱到放學可以走啦, 今日冇人揍仲我要快閃, 腳都軟埋! 返到屋企又要處理一堆雜物, 屋嗰到有回覆接受咗我地offer, 我都知冇問題架啦但唔知點解冇嗰種興奮, 可能知道只係個開始, 仲有好長路要行就覺得好攰, 唯有係咁鼓勵自己啦! 夠鐘又要去揍德, 又要幫老公處理車頭玻璃啲嘢, 德仔今日又勁痴我, 攰死我!
15/5/22. SUN. RAIN
今日冇乜特別嘢，瞓到九點幾先起身，我老公煮早餐，我就冇咩特別嘢做，星期日係應該咁悠閒嘅！食完早餐叫細佬做功課，阿哥又話開奇異博士睇，跟住又摺衫等！都唔婆婆嫲嫲傾吓電話，佢哋又要睇波啦，一睇就睇兩場，四點嘅時候， May Koon話打電話嚟同我哋兩家一齊傾視像，又傾咗差不多個幾兩個鐘，期間老公發現煮咖喱嘅咖喱磚冇晒，就叫子元去超市買，但係佢又話搵唔到，但超市差不多閂門喇，我即刻飛單車過去買，明明係有嘅，佢實在太少去超市，所以搵唔到嘢，返嚟傾到場波完，都六點幾先收線！等老公煮好晚餐食飯，之後自然就會開雷神三嚟睇，咁又睇到10點幾先至去瞓！
13/5/22. FRI. WARM
終於都到星期五，今日老公因為車頭玻璃裂唔敢上公路，所以請咗假！咁佢就湊細佬返學，我直接踩單車返學，可以踩少一段就得一段啦！返到去先去飲咗咖啡先啦，跟住你去返大房度等夠鐘先去接Bella，點知Miss Rice又叫我將琴日件事email俾佢，我諗住寫落SIMS就算㗎啦嘛，結果又要我喺度作文，埋鬼煩，諗住Hea到夠鐘就算咋嘛！今日Bella都算準時返到，第一堂PE都非常之好，跟住就放break啦，突然之間又好大風喎，好彩我着夠衫姐唔係咪凍死！然後兩堂Music，好彩我有半個鐘cover可以去食飯，上少半堂得半堂，到佢放飯時我咪又係企囉，好彩都有啲老師喺附近可以吹吓水，可能講吓嘢好過自己喺度吽！點知下半堂返去原來係代課，叫佢哋練教咗嗰首歌就梗係令到碎碎咁啦，好在個代課老師最後搵咗啲片比佢哋睇，大家時間都已過啲！最尾一堂數學真係唔聽書㗎啦，夠鐘就早啲帶佢走，可以落去搵佢個朋友佢就最鍾意，放學終於唔使趕頭趕命，因為老公去咗接細佬，我返到去終於可以抖一陣先，然後佢哋去打波，我就去湊德仔，返嚟都係照常煮飯同埋等佢食飽陪我睇電視，屋嗰度叫做有少少回音，叫我哋過叫價叫高1000磅，等佢可以同業主講我哋出呢個價，希望今次成功啦，雖然貴咗啲，唯有節衣縮食努力供樓啊！晚飯老公返嚟煮埋下半場，食得來都九點幾，咩都唔想做只係想休息！
12/5/22 THU WARM
今朝臨出門口仲爺先話要去POPO, 搞到我就好趕囉, 腳都軟呀! 今日又係跟Bella, 但第一堂又冇安排人比我跟, 咁我唯有喺AL1hea囉, 夠鐘就出去等, 本來見佢今日心情唔好, 覺得都難過, 果然我放完lunch break回來, 明明cookery堂幾好呀, 唔知係老師唔比佢煮要佢做工作紙定點, 總之佢就係唔郁, 到放飯都冇咩, 我仲撞見Bio老師, 可以問番佢補習嗰啲嘢! 放完飯嗰堂其實都係cookery, 但老師就係叫佢唔好喺到上, 去TC1做worksheet, 但Bella就係唔想, 咁最終我帶咗佢去AL1, 最後我同佢傾咗一個鐘閒偈呀, 查實都幾攰架但佢又好似好開心咁都好啦! 上埋最尾嗰堂Art我就可以放工啦! 去公園接埋仲爺, 子元就自己撘車去球場, 預備好啲餸就去揍德仔, 返嚟都係hea吓咁啦, 差不多時間就煮飯, 等佢地返到嚟就邊食飯邊睇波, 但個球證吹到PAT屎咁, 搞到唔好睇囉! 另外老公今日發現架車車頭玻璃裂咗, 要等人嚟整唔可以返工住, 可惡!
11/5/22 WED RAIN
今朝為安全起見, 我都係睇住仲仲入埋學校我先出發, 都算趕得切, 加上今日學生10點先返, 咁就更加唔洗趕! 繼續去番大房做埋琴日未做完的filing, 夠鐘就去接人, 今日都係跟Bella, 好在佢今日叫做正正常常, 我都叫做平安渡過! 係午飯時間有啲趕囉, 食得嚟趕返去平時佢地Stay個位又唔喺到, 原來去咗canteen, 頂! 行餐死! 加上又落雨, 真係好唔想行! 飯氣攻心上法文堂真係好攞命, 我有幾次差啲瞓著! 終於捱到散啦快閃去接仲仲, 落雨冇人玩公園架啦, 好在今日唔洗揍德, 咁大雨要喺街咁等都唔係辦法! 揍咗仲仲去學結他, 再去超市買吓餸, 咁呢兩日都唔洗再落去買! 接完仲爺回來快食少少嘢, 又要出門口去睇樓, 今次呢間3房, 好啱心水呀, 雖然喺一二樓, 但因為3房又夠位置又好又新淨, 我地一睇完就已經落offer, 叫個sales明天幫我地搞, 希望今次各樣都順順利利啦! 返屋企等老公煮飯啦, 我就再喺電腦到睇吓, 覆埋個email咁! 飯後洗碗沖涼休息啦, 今晚都係早番少少瞓啦, 唔係上堂又瞓咗架啦!
10/5/22 TUE WARM
今日揍到仲爺去學校唔係好多人喺門口咋喎, 但我都知應該冇問題佢會乖乖等入去, 點知10點多時學校又打嚟問我有冇比佢返學, 點解成日都冇點佢名架, 知唔知會嚇死我架, 諗緊明天洗唔洗等佢入咗學校先走! 講番自己先, 返到去第一時間去沖咖啡先, 唔理咁多! 跟住咪去上堂囉, 好在今日唔知點解安排early closer, 所以每堂上45分鐘, 咁兩堂英文唔洗咁難過, 因為對住Ms Rice我真係完全唔知佢想點, 加上佢今日竟然唔記得咗安排代課, 自己頭一堂又冇出現, 查實佢知唔知自己做緊咩架, 老實我覺得佢係幾冇能力! 最尾上埋音樂, 又冇講點放飯, 都係唯有自己協調! 咁我去飯堂又得三文治可以買, 頂住先! 淨番兩個鐘點過呢, 聽完所以training, 都係兒童安全嗰啲啦, 之後Ms Rice唔知講咗咩, 但總之之後就幫Pat手filing嘢到夠鐘我就閃啦! 去公園接仲佢又唔肯走啦, 比佢玩到4點返嚟基本上我係冇得抖, 梳洗吓食個麵我又要出去再買餸啦揍德仔, 返到嚟又要趕仲仲出門口去踢波, 煮飯比德食, 然後叫做可以抖一抖, 等德閃咗我又要煮飯, 仲要分兩份時間食, 因為仲仲早場踢完回來又肚餓要食先, 子元就踢到8:30, 差不多9點多先食得, 真係等唔到咁多! 但最終結果係我都要等大家食完飯我先洗哂碗可以沖涼休息!
9/5/22 MON. WARM
今日又要返工返學喇，仲仲出門口嗰陣時連書啦都唔記得攞，又俾我鬧一餐！返到學校諗住去嘆杯咖啡先，點知又撞到嗰條麻煩上司，搞到我要扮晒嘢話去廁所，等佢走咗我先至可以去沖咖啡！第一堂去咗sixth form大房度清下啲email，然之後我要等到第二堂，就可以放學三個課室，不過佢都係未到，所以我又係行行企企食飯幾味，因為真係冇嘢俾我做！終於到放break之前一陣佢返到啦，咁就去接咗佢哋課室，不過轉個頭又break啦！break之後我就要去頂飯更，都係企下無聊下咁，個同事返嚟我又返番去year12課室，今次叫做有啲嘢做，因為可以教佢做數，不過我諗佢啲數仲差過細佬，我其實都唔叫做覺只係叫做講個答案比佢聽，都唔知佢明唔明！佢放飯嘅時候我都可以放飯啦，順手打埋去地產舖叫佢俾埋啲資料我，今晚商量吓睇吓點！然後又要去上英文堂，有個同事交代我佢有份卷要繼續做，仲叫我幫佢寫，但去到嘅時候寫咗大半，個老師又話唔可以幫佢寫，其實佢哋可唔可以有啲共識，咁樣我好難做！不過好在3:00個老師要開會，所以早放，咁我可以準時飛車返去接細佬，因為今日Mandy唔幫我湊，不過我去到嘅時候都已經差不多已經放哂，咁Lee個媽媽話下星期幫我接埋，都好嘅咁我唔使咁趕！返到屋企我真係要休息吓，好攰！但四點幾又要趕住出去湊德仔同埋啲餸，好似我老公可以順路車埋我哋返嚟，然之後先至去送兩個豬仔踢波，咁我同德仔喺屋企就你眼望我眼啦，我繼續上網搵吓屋，真係好努力㗎啦！多謝你死咗我就開始煮飯，不過佢哋返嚟沖得涼都要八點幾先至開飯！
8/5/22 SUN. WARM
今朝雖然10點幾先至醒，但因為發咗好多夢，所以都係瞓得唔好！起身之後都係做家務啦一啲都冇母親節嘅感覺，等老公煮咗早餐俾我哋食之後，安排埋細佬做功課，然後我就同老公出去Costco入貨，冰櫃好孤單，所以要買番啲豬肉牛肉返嚟補給下！返嚟之後老公就掛住睇波，我就因為周身骨痛食咗啲藥，但都係要繼續做家務，要換床單又要吸塵抹地摺衫收拾，仲仲睇睇下波就瞓着咗，佢話佢琴晚都係瞓得唔好，所以都俾咗藥佢食，琴日真係玩得太盡啦個個都透支體力！家務做極都做唔完，仲有接唔完嘅衫洗唔完嘅被，所以晚餐都食得有啲奇怪，老公一路煮出嚟我哋一路食，一啲都唔似母親節晚餐，基本上今日嗰啲母親節嘅感覺都冇，佢兩條友連毛都冇送條俾我，真係有啲唔開心！
6/5/22. FRI. WARM
終於嚟到星期五啦，雖然今日都係抽倒支唔好嘅簽，但都要做㗎啦鬼叫你窮啊！湊咗仲仲返學就趕返工喇，不過可以嘆杯咖啡先至再開工，第一堂都係炒散去咗上Science，跟住10點你去Reception等Bella啦，然後就想我最唔鍾意上嘅嗰條低能上司嘅英文堂，好在呢上半堂到我放飯時間，所以賺咗半堂，然後咪喺操場漏咗九個字囉，真係悶死我，咩都唔睇得有冇人講嘢我就嚟變咗個佛㗎喇！返返去上堂咁咪照常囉， Bella今日全日都情緒勁差，難得佢肯睇住本書唔搞事，好心個低能上司就唔好理佢啦，明知佢哋呢啲人一入咗自己個世界就咩人都唔會你！最尾嗰堂History， Bella點課室都唔肯入，要企喺度門口睇，咁我咪陪佢哋囉，好在隔籬房cover嗰個LSA冇位坐，一樣同我企咗喺門口，咁就同佢傾吓計囉，難得有個正常嘅大人可以吹吓水舒緩下，佢教我放咗工就放低呢度嘅嘢唔好再諗，行咗出個門口就全部放低，如果唔係我哋會好辛苦㗎，我都覺得佢講得好啱，有時就係不知不覺間有人教你做人嘅道理，其實都幾好！最終諗住可以順利放工，點知落咗去AL1等，諗住早少少帶佢出reception我就收工，點知佢又要企喺度等埋佢啲朋友，我心諗你啲朋友都未必想同你一齊先啦，不過佢哋就係咁固執，佢唔走我又走唔到，好在有同事仗義幫手，咁我先至可以準時放工！返到屋企，子元已經揍咗仲仲返嚟，咁就快啲執好嘢去巴士站同勤少會合啦，點知今日啲車又遲又亂，最終差不多4:15佢哋先至上到車，仲要同唔到勤少一班，不過佢哋話因為中途又俾人講咗落車，再等吓一班都係同勤少一齊！佢哋上咗巴士我就安心去買嘢返屋企整餸，期間由四點幾開始一路同肥脾傾電話，又買餸整餸到去接咗德德到煮飯到餵埋佢食飯我都傾緊電話，我都覺得自己好犀利！見佢哋差不多時間返就煮埋啲餸，食完飯洗碗沖埋涼就可以休息啦，明天又要準備去野餐嘅嘢！
5/5/22 THU WARM
今日如常咁返工返學啦, 都有啲遲架啦, 所以踩單車時都要好努力! 返到去攞齊嘢就去沖番杯咖啡飲先, 反正唔趕, 第一堂炒散, 去上吓science都好! 跟住去接Bella啦, PE堂都幾好, break後上GEO, 又係代課老師, 但其實都算充實, 不過Bella開始唔願抄嘢, 但佢都有答問題有反應, 捱到放飯, 等到差不多1點先有人嚟cover我可以去食飯, 點知返番課室後就出事啦, 見佢開始愈來愈唔對路, 開始傻笑, 手部有幻想動作, 跟住就開始打自己個頭同撞頭落枱, 佢個朋友已經幫手阻止, 但都係唔得, 唯有call SLT, 但佢開始掙扎唔比我捉住佢手, 等咗一陣終於有人嚟啦, 前前後後嚟咗4個人先成功將佢移到樓下AL1, 真係好痴線! 我估我都應該唔會有做錯咩啦, 期間借啲二問吓一個老師, 佢話其實經常發生, 我覺得佢唔止係自閉症, 佢應該有幻聽, 所以先會打自己想趕走個幻聽! by the way我只係想冇事冇幹咁收工, 終於用分散主意力加強行趕走, 佢喺AL1又變咗另一個人, 係咁睇地圖呀分享呀咁, 遇咗喺到陪佢到放學, 期間嗰條Celia又咁啱返到嚟, 唔知頭唔知路又一輪咀講嘢, 好似覺得Bella應該返課室呀, 以為佢仲係放break等等, 佢真係唔識架喎唔係扮, 最終Clare嚟講咗句再帶番條白痴Celia走, 我咪陪到Bella夠鐘就一齊攞埋單車帶佢去reception閃人囉! 事頭話有肉鬆比我地, 順路去佢車到攞埋先回程, 總之唔去公園接仲爺啦, 佢又話要玩, 咁我返屋企先, 近近地去Watrose買埋餸, 返屋企整完嘢差不多時間先去公園接咗佢再要去接德仔! 回來又係做啦, 終於等佢閃咗又差不多要煮飯, 食得嚟9點幾10點啦!
3/5/22 TUE COOL
今日又要返工啦, 朝早有點趕, 因為處理啲買樓問題, 一早就打嚟chur我, 又話要打比我solicitor講, 搞到過咗8點半先出到門口! 返到學校都係如常咁工作啦, 又係跟Bella, 第一堂去咗year 9, 攞咗份Bio可以比子元做吓! 10點就去番接Bella, 跟住都正常上到堂, 反而係我為咗freehold leasehold係咁電話呀message呀等等, 好在我都掌握到點樣避開人眼去用電話, 唔係陣間又比人話就煩! 另外就係有炮哥幫手打咗去solicitor問清楚, 已經幫輕咗我好多, 連email都幫我打好, 我跟打就得! 午飯都食得好趕, 因為中途係咁whatsapps, 好在可以去睇住Bella時再食! 一直順利至History, 以為都可以冇事, Bella因為老師唔係教書而係睇卡通又發脾氣, 我就要陪佢去Japaneses garden坐到放學, 好在我都醒, 早5分鐘帶佢去reception有人睇住佢我就可以走! 去公園接埋仲仲回家, 搞掂埋個email, 出去買餸再接埋德仔, 仲仲又要去踢波, 今日係三個男人都去踢, 結果回來沖得涼差不多10點先開到飯, 真係唔掂!
2/5/22 MON COOL
話咁快又最後一日假期啦, 今朝瞓到9點幾先起身, 食得早餐嚟都11點, 老公約咗炮哥同Keith佢地去Westway買波boot, 咁我地咪又一齊去囉, 只係我地去睇玩具咁解, 等佢地買完我地就去Fan fair, free entrance嘛, 去睇吓都好, 見都唔係太貴可以玩吓, 機動遊戲只係玩咗碰碰車同轉轉機, 反而玩攤位遊戲仲用得多錢, 因為子元掉中咗有公仔攞, 仲爺又想要但我地真係再掉唔中啦, 所以佢走嗰時又唔開心, 真係好煩! 去買埋午餐食就回家, 追埋套彊屍校園, 又開套永恒族睇, 因為晚餐都係食雲吞, 都包好哂, 所以可以hea吓!
