8/5/22

 8/5/22      SUN.    WARM

今朝雖然10點幾先至醒，但因為發咗好多夢，所以都係瞓得唔好！起身之後都係做家務啦一啲都冇母親節嘅感覺，等老公煮咗早餐俾我哋食之後，安排埋細佬做功課，然後我就同老公出去Costco入貨，冰櫃好孤單，所以要買番啲豬肉牛肉返嚟補給下！返嚟之後老公就掛住睇波，我就因為周身骨痛食咗啲藥，但都係要繼續做家務，要換床單又要吸塵抹地摺衫收拾，仲仲睇睇下波就瞓着咗，佢話佢琴晚都係瞓得唔好，所以都俾咗藥佢食，琴日真係玩得太盡啦個個都透支體力！家務做極都做唔完，仲有接唔完嘅衫洗唔完嘅被，所以晚餐都食得有啲奇怪，老公一路煮出嚟我哋一路食，一啲都唔似母親節晚餐，基本上今日嗰啲母親節嘅感覺都冇，佢兩條友連毛都冇送條俾我，真係有啲唔開心！