31/5/22

 31/5/22     TUE     RAIN

話咁快又第二日假期, 放假時間總係過得快! 朝早瞓到8點幾, hea到9點多先起身整早餐, 食完就捉仲爺去做功課先, 做完之後想點都唔理住! 每日各兩頁英數, 都算做得快架啦! 做完又一齊打機, 哥哥又一齊打喎, 半路中途又要煮午餐咁, 之後又接到舅父仔電話又傾咗一輪, 佢地應該又唔會返上嚟呢頭住, 果然有錢是任性, 慢慢諗都仲得! 2點幾時突然天都黑哂咁, 原來唔止落雨, 仲要落冰雹喎, 又密又大粒咁幾誇張! 差不多5點又要去揍德仔啦, 落住雨行返嚟都幾係嘢, 煮咗牛腩飯比佢又唔食, 梗係喺學校party飲飽食醉啦! 等佢爸爸嚟接走佢, 老公沖完涼就煮飯啦, 開住新追的尚食嚟送飯, 睇到9點先去洗碗然後沖涼休息!