25/5/22

 25/5/22     WED     COLD

今日繼續病假, 因為真係唔多掂, 對眼琴晚係咁流水, 然後封住咗咁, 幾辛苦先打得開! 然後咳呀鼻塞冇停過, 為咗想攞到抗生素, 我都係打多次去GP再約醫生! 揍咗仲仲返學回家抖陣就行過去, 醫生又見到我, 我同佢講咗對眼等等唔舒服, 佢再幫我聽個肺係冇事, 本來都唔會開抗生素, 只係比咗眼藥水, 但佢見我咁唔安心, 或者怕我又嚟搵佢麻煩, 所以最後都開咗抗生素比我, 若果3日後都係冇進展先食, 咁攞好藥咪回家休息囉, 只係去超市買埋嘢咁, 好好休息煮個午餐等, 夠鐘又要接仲仲, 又要揍佢去學結他, 好在老公回來煮飯, 咁又可以hea吓! 明天睇怕都要返工, 因為再唔返就冇錢收架啦, 我莫水呀, 鬼叫你窮呀頂硬上!