31/3/17

31/3/17   FRI   RAIN

今日仲爺食咗早餐都跟埋我地去食, 因為冇同loletta吹水, 早咗返上樓叫醒老公出門口, 仲爺今日生日party, 只係著便服, 我都唔記得同佢影相! 揍咗佢我就返工啦, 今朝唔算忙啦, 開完會做吓嘢咁, 午飯後去埋銀行出糧, 下午都係hea吓啦, 時間都過得快, 放工返屋企摺埋衫先出去揍笨元, 等老公嚟車我地過去, 佢又要車埋嫲嫲去葵芳, 然後我地就先去幫子元交咗鼓錢, 然後去阿媽到幫子元攞番本英文書, 仲仲同佢玩咗陣, 跟住就去接番子元, 去咗AEON食COCO, 仲爺堅係鍾意食COCO, 唔停口咁但淨係食飯囉! 食完就去睇玩具, 子元去咗玩卡, 我地就找禮物比佢地4月之星, 但原來明天有9折, 不如聽日先買啦, 反正下午先見面! 行到10點左右回家啦, 返去快手沖涼瞓覺, 其實我都攰架啦, 老公又要打埋機先瞓, 我都半睡咁喺梳化睇住電視等, 但都唔記得幾時時瞓鬼著咗啦!

30/3/17

30/3/17   THU   WARM**

今朝仲爺聽到鬧鐘係都要一齊起身, 忙忙亂亂咁出門口啦, 揍咗子元上校車就返去叫daddy起身啦, 今日都早去到學校, 但又不足以比仲爺食埋早餐, 不如早D上去玩吓啦, 好笑事發生啦, 因為仲仲上到學校門口一見到同學仔, 就叫佢個名, 然後兩個向對方跑過去, 再互相擁抱, 真係好似做戲囉! 返到公司都冇咩忙啦, 都係做吓自己嘢吹吓水睇吓書咁, 午飯買咗米線, 諗住食完過去幫子元交鼓錢, 點知拉咗閘喎, 明明寫住1點開架嘛, 我就照打電話入去, 睇吓會唔會飛去手機啦, 結果都係冇, 等到1:50冇得等啦, 咪返公司囉, 到我返到去樓下就打番比我, 激死! 佢話佢去咗買嘢食喎, 頂呀! 明天才交啦, 我唔理啦! 返到公司都係hea吓啦, 又找唔到咩新書好睇喎! 放工接咗笨元就返去煮飯啦, 老公去踢波, 咁得我地3個簡單地焗雞飯炒個菜就算, 老公揍咗仲爺回來就閃人, 7點幾食得飯, 仲爺又食到衰衰咁啦, 佢要餓得好透先得! 食完洗完碗要抺地啦, 叫仲爺執嘢佢唔理我嘛, 又要我發顛, 究竟呢條友要點教先得, 吓吓我好聲好氣佢係唔理架, 係要我大大聲先得! 終於搞掂哂, 比佢地玩到8點半就沖涼, 跟住我睇子元功課, 都叫佢同仲爺玩陣先, 反正仲仲明天學校生日會, 唔洗理功課住啦! 等仲仲瞓咗, 教埋子元處理佢篇中作, 你話好差又唔係, 但總係唔知點咁, 佢仲未識作文時拿重點囉! 沖好涼就摺衫啦, 3機衫都摺咗差不多1個鐘, 老公肯定吹水吹到唔知時候啦, 又買錯糖水比我喎, 可惡呀!

29/3/17

29/3/17   WED   WARM

今晚老公返啦, 真係最開心! 朝早仲爺齊齊起身落去, 不過係著住睡衣囉, 因為我要整三文治午餐盒比子元所以好趕! 返上樓搞掂就出門口, 都早到學校接更呢! 揍咗佢地返學我就返工啦, 買埋早餐返去慢慢嘆, 朝早都係做吓自己嘢, 睇埋本小說啦! 午飯食同子元一樣的牛油果吞拿魚三文治, 都算夠飽GE! 下午都係睇小說, 近來真係比較閒, 要自娛吓! 放工返去揍笨元啦, 老公已經落咗機, 不過要返公司先再返嚟, 咁我地返到去, 先對好功課不久老公就返到, 佢兩個即刻痴住daddy啦, 近近地出去長沙灣食飯, 送埋嫲嫲返屋企就回家, 等佢地飲埋韓國手信 – 士多啤利&朱古力奶就瞓啦, 我今晚都冇摺衫啦, 明天有排做! 睇埋電視11點幾都瞓!

28/3/17

28/3/17   TUE   WARM

今日都係要返工返學啦! 朝早兩個都一早起身, 諗住輕輕鬆啦, 點知輕鬆得滯完全唔記得叫子元食藥, 返到上樓先醒起, 咁就猶豫緊究竟送藥去學校先定揍咗仲仲返學先呢, 唔理咁多都要落樓先架啦, 落到去又走咗架46X, 咁就一於打的去子元學校先, 再打比程生問佢可否等我一陣, 我送埋藥先才入青衣, 好在都夾到, 的士去到差不多打鐘, 放下仲爺比程家再入學校找子元食埋粒藥, 咁都唔係阻咗程生好耐! 揍咗仲仲入去就返工, 今日老細唔返, 舒服幾多呀! 午飯後都係hea吓啦, 下午睇吓小說咁, 開咗本新嘢都幾好睇幾好笑! 放工返去接笨元, 仲攞埋D相簿啦, 咁返到屋企嫲嫲瞓到唔知醒起身煮飯喎, 於是出咗去食元氣囉, 不過我都限住子元食量, 佢真係一條唔知飽GE金魚嚟架! 食完買埋麵包明天午餐盒就行返去啦, 仲爺都係沖涼瞓覺啦, 完全唔記得要同佢睇功課, 我就執咗個飾櫃, 因為要放相簿嘛, 都掉咗一堆垃圾又抺吓D千年塵, 雖然裝條時都掉, 但而家要用都要清潔吓GE! 執得嚟睇埋功課先沖涼, 子元就想玩到我沖完涼先, 拖拖拉拉咁10點半佢先上到床瞓呢, 我就摺咗D衫, 完全找不到啱睇的電視節目, 真可惜! 本來都攰攰地, 但又想睇埋妙手, 結果又1點鐘先瞓啦!

27/3/17

27/3/17   MON   COOL

今日要一打二呀, 朝早仲爺未起身, 咪叫子元自己落樓, 點知隻豬出到去冇按lift制喎, 好在我有喺閉路電視睇住佢, 見唔對路已經打定電話比校車EE叫佢等多陣, 最終對面屋出門口見到佢先識按lift, 好在都趕得到! 跟住就揍仲仲返學啦, 算係趕得切班車, 去到學校都要8:25! 我就買埋早餐返公司啦, 朝早都好自在, 係開吓會啫, 跟住就做吓自己嘢! 午飯時老細已經返咗, 已經勁唔like架啦, 過番去自己嗰邊office避佢, 點知…佢避個細佬, 走咗過嚟喎, 痴X線架! 過嚟之後不停講嘢, 我地又唔可以做自己嘢喎, 變相冇咗lunch休息時間, 頂! 老細坐咗好耐呀, 唔係個細佬走過嚟, 佢都唔會急住走, 真係好冇型囉! 佢走咗就回復自由等收工, 接咗笨元返到去嫲嫲煮起飯準備走, 原來佢約咗人, 咁子元又話餓囉, 咪食咗飯先囉, 我仲將D餸set好一份比佢地一齊喺細枱食, 可以睇電視嘛! 跟住都係洗碗吸塵抺地, 叫佢地唔準喺地下玩, 我要抺地, 玩到8:30就沖涼, 然後同仲爺溫吓英文字母, 9點多才入房瞓, 但都出咗嚟好多次, 出到我沖涼都仲出緊, 子元都識做我個位置啦, 趕番個細佬入去! 子元做好哂嘢, 除咗睇電視我咩都比佢做, 咁佢就玩lego囉! 10點就到佢瞓, 我就睇電視摺衫, 當然同老公face time吓先啦! 睇哂妙手先瞓都差不多1點啦!

26/3/17

26/3/17   SUN   COOL

今朝老公較咗鬧鐘都聽唔到, 係我聽到聲叫佢都6:23, 佢即刻彈起身出門, 我就瞓到8點起身, 子元畫班嘛, 約咗程生8:45樓下等, 佢就做柴可夫, 送咗子元去畫室就到婷婷去小童, 然後返番長沙灣食早餐, 仲爺都食到一份三文治加朱古力奶! 咁食完時間差不多就先去接婷婷, 我揍住仲仲喺小童比佢地玩吓先, 等程生接埋子元才過來接我地, 跟住返咗程家, hea住先! 到差不多12點兩個大的一個游水一個打鼓, 咁送完佢地又返去hea, 接子元時順手買埋午餐, 喺程家食埋先走! 返到去都2點幾, 比佢地玩到3點, 仲爺就瞓覺, 子元就溫默書, 4點幾仲爺都未醒, 我又唔放心子元自己去泳池, 好在之前返來時接到barry, 估佢應該喺屋企, 就請佢幫手揍子元過去囉, 到差不多6點仲爺醒啦, 快手做埋功課才去接哥哥, 先回家沖個涼, 約咗忻僖7點多喺香港地晚飯, 真係純粹吃個晚飯就回家, 返去玩到8點幾就沖涼, 9點幾趕仲爺入去瞓, 但到10點幾佢都未瞓得著, 出咗嚟好多次, 我沖完涼見子元仲睇緊電視, 我又有D唔like, 總覺得佢成日掛住睇電視, 咁佢10點都肯入房瞓GE! 我今晚咩都唔想做, 只係攤喺到, 攤到12點幾先去瞓!