22/3/17

22/3/17   WED   WARM

今日都係要同仲仲一齊食早餐, 佢真係好搞笑囉, 食過就成日要食! 老公要出九龍買嘢, 所以可以車我返工, 今朝又唔洗開會啦, 所以可以好hea! 午飯要去買, 平平地食飯盒都要$30! 下午老細都冇返, 所以都好自在! 放工揍咗笨元返去, 仲爺仲瞓緊, 咁快手執吓嘢對吓功課先啦, 仲爺醒咗就係換床單, 但換到一半又食飯啦, 所以食完先再換, 換得嚟又要吸塵抺地, 所以8點幾先叫佢地沖涼, 沖好涼同仲爺認吓字, 趕咗佢去瞓就叫子元溫書, 我沖完涼就問一問書, 然後都叫佢快D執埋D嘢瞓, 唔係daddy回來又捉佢練歌, 咁我就摺衫等等囉! 老公踢完波10點幾回來, 做好哂嘢12點多都瞓啦, 呢排好攰都冇睇妙手!