23/3/17

23/3/17   THU   WARM

今日仲爺瞓得香甜, 所以都有得送哥哥校車, 我地亦都唔帶佢一齊早餐啦, 食咗包飲咗奶就算! 返到公司都係hea吓啦, 近來都真係比較閒, 好定唔好呢! 做吓算嘢上網睇吓嘢啦, 午飯後都係吹吓水睇吓電視! 下午老細返咗嚟, 又要叫tea又要吹水, 放工都唔捨得走, 我話知佢啦, 準時放工返去接笨元買餸, 子元返到去就快手做功課, 因為佢要睇未央喎, 佢仲邊睇邊放哂D煮飯仔出嚟, 話等仲仲返嚟比佢玩喎, 佢兩個成日一啖砂糖一啖屎咁, 真係頂佢地唔順! 食完飯都係洗碗吸塵抺地啦, 8點幾終於肯去沖涼啦, 跟住老公就係咁幫子元練歌, 仲仲又成日要練埋一份, 玩到9點幾就要瞓啦! 子元繼續練, 到我沖完涼都仲練緊, 咁佢又真係唱到好鬼技安GE, 頂! 今晚好攰, 衫都唔想摺, 11點幾就瞓啦!