21/3/17

21/3/17   TUE   WARM

今日終於考完試, 大家都放監先啦, 今晚要慶祝吓出去食, 朝早都係要如常返學GE, 仲爺今朝知醒, 要一齊落去, 跟住就一齊去食早餐! 返到公司都係做吓自己嘢啦, 午飯後就睇吓電視咁, 老細下午返咗嚟, 都要簽吓嘢GE, 亦都要同佢講吓網頁嗰單嘢咁囉! 差不多時間又放工啦, 返去接咗笨元就回家先, 佢做好功課就等老公嚟接我地, 去愉景食日本嘢, 不過冇瞓晏覺的仲爺食到咁上吓瞓咗, 係一路瞓到返屋企, 笨元食完就帶咗佢上去玩夾公仔嗰間, 今次成本效益幾好, 用咗$75但就攞到好多禮物, 間中咁玩一次OK GE! 送咗嫲嫲返屋企我地返到去仲爺就醒, 都好GE沖個涼先瞓, 笨元又要做視藝, 老公又要佢練歌, 因為星期五小童佢自己報咗話要唱歌嘛, 所以老公咪要佢練囉, 但到11點幾我沖完涼都未放佢去瞓, 我真係火火地囉, 都咁夜啦! 最後過咗一陣先肯放佢, 我咪教笨元必要時都要出聲囉! 我今晚都攰, 老公又話要打埋盤機先, 我等唔到啦, 入去瞓先!