25/3/17

25/3/17   SAT   WARM

今日又短周又調咗子元明天才畫班, 但仲爺呢D日子就會晨早起身, 好唔合作! 雖則我地10點才離開張床, 但其實我來來回回都起咗好多次身咁! 梳洗得嚟出得門口都已經11點, 出咗去食早餐然後去咗尖沙咀, 因為今晚約咗上同學仔屋企玩, 老公話要買玩具比個妹妹喎! 咁入去反斗城之前已經同仲爺去咗廁所, 點知行咗大半, 佢賴尿!!! 我又冇片又冇褲, 咁就叫咗老公去車攞片, 我就等佢嚟到再去買褲, 唔想咁貴又要好著, 咁mothercare的都叫做合理兼襟著, 條友又毫不悔改咁覺得冇嘢, 比佢激死! 最終行到點幾鐘就走, 揍笨元去打乒乓球, 仲爺就回家瞓覺, 我又要對功課咁, 3點幾叫醒老公出去接笨元, 我就摺吓衫先啦, 等仲仲瞓醒就過去忻僖屋企, 幾經辛苦去到啦, 因為原來喺平台, 我地又唔識路喎! 上到去大的已經馬上開局玩board game, 細的只可喺廳玩啦, 忻僖妹妹好得意呀, 佢同仲爺又溝通到喎, 好搞笑! 大人就吹吓水咁啦, 叫咗嘢食7點幾有得食啦, 食得嚟玩吓傾吓咁, 不過Lincoln又腸胃炎早走咗, 最終食埋雪糕10點幾先走, 玩到夠哂皮! 返到去快手沖涼瞓覺啦, 老公明天要飛啦, 我又要自己搞掂!