11/3/17

11/3/17   SAT   COOL

今朝要畫班, 所以都係要早起架啦, 嗰兩隻嘢放假就實早起GE, 起身搞掂出門口, 笨元自己上畫室啦, 我地就去食早餐, 然後冇咩地方去, 過咗萬寧買D嘢囉, 計到盡咁總之平先買啦, 順手幫人換吓印花! 接埋子元就返去對陣功課等等, 笨元又要去踢波, 仲爺就要做功課, 做好咪比佢玩吓囉, 等老公2點幾過嚟接我地去AEON, 又食飯又買嘢啦, 接咗笨元就回家啦, 仲仲要瞓覺, 子元沖好涼食埋嘢就開工溫書, 都係溫到中文咋, 又要影練習佢做, 仲仲瞓到6點幾起身, 老公又出去踢波啦, 等笨元做好練習就放佢同仲仲玩, 我就煮晚餐, 食粥同炒麵咋, 不過都夠飽架啦, 食完睇吓電視咁8點幾就捉佢地去沖涼, K.O.咗仲仲, 子元又話要睇狼人喎, 結果睇到11點幾先瞓, 糖水都食埋呢!