20/3/17

20/3/17   MON   HOT

今日有daddy喺房, 仲爺7點幾先起身, 但又話我做咩唔叫佢落去送哥哥喎, 真係老積怪! 時間關係冇比佢一齊食早餐, 所以都喺到扭啦, 但都幫唔到佢啦, 扭對我係冇用! 返到公司都係做吓自己嘢啦, 今朝唔洗開會好舒服, 全日都唔洗見到老細, 午飯後都係睇吓電視啦, 下午喺咁睇淘寶, 想睇吓整屋嗰到D concept! 放工接咗笨元就返青衣食飯, 因為嫲嫲包咗雲吞, 不過我總覺得喺嫲嫲到食飯時係好混亂, 仲爺永遠唔會坐定食, 我一講嫲嫲又話由佢, 陣間餵, 唉…我冇嘢講! 食完點幾走啦, 返得去沖涼都9點幾, 我都冇再叫笨元做數和對佢D嘢, 數學實在係好需要臨場發揮, 我都冇咩可以幫佢! 等佢地瞓咗我沖完涼, 有兩機衫等緊我呢! 摺完11點幾已經喺梳化瞓咗, 完全冇能量睇妙手!