12/3/17

12/3/17   SUN   WARM*

今朝活動係去考奧數, 其實都冇做過, 純考天才! 11點要去到土瓜灣, 咁兩部車過去, 我地車子慧, 程家車晴晴, 過到去放低4個大細路就揍住兩隻細去遊樂場玩, 都係等時間過啫, 吹吓水咁囉! 12點多過去接番佢地就去咗長沙灣食lunch, 因為子元要踢波, 本來可以泊有優惠的停車場, 但原來特首候選人喺對面學校搞辯論, 結果要泊遠D, 可惡! 食完就各自回家啦, 返到屋企比仲爺玩陣, 3點多就要佢去瞓, 其實我次次叫佢瞓佢都好合作架喎, 但就係蝦嫲嫲囉! 笨元踢完波返得嚟食埋嘢都4點幾先開始到溫常識, 其實我都攰架, 但又冇得唔溫架嘛, 溫到仲爺起身, 差不多7點都要出去食飯架啦, 咁做練習的唯有等我印好先做囉, 去咗荃灣食牛魔, 但今日D牛肉麻麻地, 所以子元都冇食太多! 食完睇多陣玩具就走啦, 返去都係沖涼瞓覺囉!