2/3/17

2/3/17   THU   COOL

今日都係如常咁返工返學啦, 老公今天要返大陸陪老細睇廠D嘢, 所以我今晚要一揍二呢, 好在嫲嫲會揍仲仲出嚟, 咁我點都輕鬆D! 朝早仲爺冇喺子元出門口時才走出來了, 但我返上樓時已經見梳化有好多公仔! 今日有時間老公又要食埋早餐先, 所以冇接更揍婷婷啦! 返到公司冇咁忙, 因為要整GE嘢都整得七七八八, 又唔敢print住, 老細呢D成日會變架嘛, 陣間又唔知有咩改! 咁咪hea吓做吓自己嘢囉! 午飯後都係睇吓電視啦, 下午老細返咗嚟, 不過有經理陪住佢都唔會走嚟煩我地, 咁都可以輕鬆D! 放工接咗子元就回家, 不用買餸煮飯洗碗係好正! 不過我有幫手開飯同吸塵抺地架, 奶奶洗埋碗就走, 我就比佢地玩到8點半先沖涼, K.O. 咗仲爺就同子元對功課, 9:30已經完成哂可以沖涼, 子元就比佢睇陣電視打陣機, 10點鐘佢都瞓啦! 我就摺咗衫再繼續睇我的Harry Potter啦, 睇到12點幾眼瞓咪瞓囉!