28/2/14

28/2/14   FRI   COOL

今朝奶奶出嚟揍柏仲, 所以我冇咁早起身, 可以唔餵柏仲就出門口嘛, 叫醒咗老公要搞掂仲仲我就出門口啦, 時間充足出到巴士站, 揍咗佢返學我就買早餐返工啦, 都係做吓自己嘢, 上BK睇吓嘢咁又一朝! 午飯後去咗銀行, 過哂鐘先返到嚟, 冇辦法啦! 然後就做吓公事囉, 不過老細唔喺香港都唔洗咁急做嘢! 食埋個tea又放工啦, 去咗萬寧買咗三百幾蚊嘢, 多嘢送嘛! 一返去老公奶奶就出門啦, 約咗大包的未來親家食飯講數嘛! 得我一個一揍二, 馬上捉笨元去做功課, 話同佢鬧快佢就做得好快, 柏仲又係到喊, 怕佢咳得西利嘛咪抱囉, 幫笨元對好大部份工課, 餘吓閱讀記錄冊自己搞掂, 我就開始餵柏仲啦, 都好合作好快飲哂, 等我執好嘢就可以出門口去合唱團, 揍咗佢地過去我地3個就去晚飯, 程生話去食吉野家打邊爐, 又幾好食喎, 同埋D嘢已熟, 唔洗煮好耐啱我地趕GE人! 不過都食唔切, 於是我去接咗兩個細的喺小童群益會等, 佢地嚟哂就各自回家啦! 返到去馬上要笨元沖涼, 柏仲自己喺房又幾乖喎冇嘈, 起碼等我地沖咗涼先! K.O.咗笨元就陪佢玩陣, 但坐喺梳化都喊, 又見佢打嗝就放佢入房喊陣先, 等老公返嚟再抱佢出嚟坐吓玩吓, 到11點食埋奶坐陣就乖乖瞓, 我地未眼瞓就睇埋建元風雲大結局先瞓!

<練習企...2秒咁多啦!>

 <好鍾意佢呢個方包面!>

27/2/14

27/2/14   THU   COOL

今朝返學唔多順利, 我遲咗D餵蕃薯食奶, 佢又食得慢咗, 又係到扭, 結果7:50都未食得哂, 咁最終趕住咁都出得切門口, 但落到樓先發現笨元唔記得帶珠心算袋, 一定要返上去攞, 但咁就一定撘唔撘41A, 好在撘46X再轉小巴都唔太遲! 買埋早餐返工啦, 朝早都係做吓自己嘢, 午飯後睇吓電視打吓機咁啦, 夠鐘又要開工啦, 都係做吓商會D嘢, 要集齊D名單先有得做嘢呢, 但到時又得番好少時間, 真係好麻煩! 仲有嚟緊星期日又要人OT, 最怕係咁, 明明星期日係喺屋企GE日子嚟架嘛, 諗起都唔開心! 放工返到去柏仲仲瞓緊, 咁就幫子元溫咗書先, 然後同柏仲玩吓, 7點左右餵佢啦, 已經食得唔好, 仲要食食吓又咳啦, 不過有樣好就係嘔番哂D痰出嚟, 係嘔得幾多架, 不過見好多分秘物, 嘔完見佢舒服好多呢! 咁我地可以慢慢嘆大餐, 預早同嫲嫲食生日飯, 買咗生蠔同三文魚呢, 之後仲有雪糕蛋糕! 差不多9點先走, 梗係要撘的士啦, 返去沖完涼要子元自己執好哂嘢就K.O.佢, 因為隻蕃薯又係到嘈, 應該係因為求先嘔咗好多快肚餓, 咁10點半就餵佢囉, 都飲得哂不過有D扭啦! 之後我都抱住佢一齊瞓咗, 放番佢入房都冇嘈啦, 我地11點幾都入房瞓啦, 老公用枕頭墊住柏仲等佢側身瞓又好似好D喎, 冇嘈醒啦!

26/2/14

26/2/14   WED   COOL

今朝都係如常咁起身梳洗完餵奶出門口啦, 柏仲合作就好早出到門口, 不過今日架車遲咗, 所以返得學校都8點幾! 一去巴士站就有車, 所以買埋早餐返到公司都好早! 朝早都係做自己嘢啦, 午餐本來好開心咁準備食Pizza hit架, 點知老細1點多就返咗嚟, 見到佢地就冇胃口! 仲要點半鐘已經係到講話陣間開會, 老實講呢半個鐘係我私人時間, 你真係唔好同我講嘢囉, 唔鐘意我地係到食飯可以出聲, 我地有地方去的! 咁下午咪又唔係2點半就開會, 等D sales返咗嚟仲要吹一輪水, 又洗我落去買starbucks, 仲要冇叫我自己叫番杯架, 係我自己出聲咋! 其實開會都係開廢話, 開得嚟都4點幾, 好快又放工! 返到去柏仲有D咳呀, 又打噴嚏, 但都幫唔到佢D咩, 又冇凍親佢呀! 先搞掂笨元溫書先, 跟住同柏仲玩吓啦, 本應7:30先食奶架, 但佢7點已經周身唔自在, 所以早D比佢食囉, 好在都食得合作, 咁就可以一齊食飯唔洗食尾圍啦! 8點可以回家, 返到去笨元沖好涼執好嘢就比佢玩吓, 我搞掂埋蕃薯就真係要抖吓, 返到屋企都未坐低過! K.O.埋笨元就比柏仲出嚟坐吓囉, 唔知佢係講嘢時又唔識控制d口水所以續親定點啦, 都咳得密, 好在瞓覺時都冇咩, 幾聲啦! 11點多開始餵奶餵到11點幾, 仲可以睇咗一陣建元風雲先瞓!

25/2/14

25/2/14   TUE   COOL*

今日都係如常我揍笨元返學啦, 蕃薯一般合作啦, 趕得切就ok啦! 返到去學校又係好早啦, 揍咗佢入去我就返工啦, 朝早都係做吓自己嘢同Skype吹吓水, 時間都好快過, 午餐買咗麥當勞, 好滿足! 下午老細冇返, 但都要做吓公事, 不過商會D嘢一日定唔到人數, 一日都做唔到D咩, 都幾煩! 放工返到去笨元一地都係玩具, 睇咗功課先啦, 默書錯咗少少好唔開心, 不過都啱ge嚴D, 改正埋就比佢玩啦, 我就睇吓隻蕃薯先, 佢又要入嚟一齊玩! 夠鐘開飯時柏仲又嘈, 咁我咪唯有餵咗佢食奶我先食飯囉, 點知食到衰衰不特止, 仲要一路食一路疴, 咁都不特止, D屎仲上哂背脊, 又要除哂衫換, 換的時候又請茶, 結果一床都係屎同尿, 嫲嫲又有排換啦! 撘8:30車返得屋企沖埋涼都9點, 又要做Mels又要執書包等等, 根本都冇時間溫默書, 下星期開始要默句子, 真係要溫熟D! K.O.咗笨元就理吓柏仲啦, 玩咗陣入房又唔肯瞓, 冇情講呀喊吓啦, 咁喊咗15分鐘左右就瞓咗啦, 到11點幾先再叫醒佢食奶, 又係食得麻麻地啦, 不過都叫做食哂啦, 睇多陣建元風雲就瞓啦!

24/2/14

24/2/14   MON   COOL

由於今晚同柏仲去葉醫生到食輪狀病毒, 所以要有特別安排, 奶奶出嚟揍柏仲, 本來我等奶奶出嚟GE, 但老公又起身慢喎, 加上奶奶好早已出咗門口, 所以老公喺屋企等我就揍笨元返學, 我地去到lift口嫲嫲已到! 揍咗子元我就返工啦, 都好快返到公司, 朝早都係做自己嘢啦, 午飯出咗去買飯團, 跟住用手機睇吓running men, 下午老細返咗嚟一定要做嘢啦, 又要搞商會D嘢啦, 夠鐘就馬上閃啦, 因為要喺巴士同老公佢地會合, 所以唔可以遲, 去到法國都係六點多, 但等得嚟都差不多7點, 好在笨元有機打就得, 柏仲就好乖咁等, 有人抱住佢就ok啦, 比葉醫生睇埋佢條氣管冇事就去藥房攞支嘢去比護士餵啦, 搞得嚟已7點半, 本來諗住去食泰國嘢, 點知執咗, 要4月先喺荃灣開番, 咁唯有去食越南嘢囉! 食得嚟已8點幾, 撘得巴士返屋企, 柏仲已經過哂食奶時間, 咁就等到佢叫食先, 9點半先食, 博佢明早先再食! 我同笨元洗好白白, 老公就餵柏仲啦! 笨元自己執嘢又搞到亂哂龍, 搞到我都火火地! K.O.咗笨元就到柏仲啦, 見佢喊完一輪, 我又搞掂D嘢啦, 就抱佢出廳坐吓啦, 點知之後坐坐吓都喊, 咁老公就哄佢瞓囉, 雖然期間都有喊吓, 但都係幾聲啫, 我地11點幾乾好D衫都瞓啦!

23/2/13

23/2/14   SUN   COOL

柏仲今朝六點幾先至嘈食奶, 都算唔錯喎, 可以同佢調較吓10點幾食奶啦, 唔洗成日晚上頂眼瞓等餵佢嗰餐! 餵得嚟搞掂埋D嘢都八點多, 子元起咗身架啦, 同佢講我再瞓番叫佢自己搞掂, 咁我就一路再瞓番啦, 到十點幾笨元已經入過嚟, 柏仲又嘈過吓, 但我好似冇理, 笨元哄吓佢又瞓番架, 老公就比笨元捉咗起身, 於是佢就煮好早餐先叫我起身食, 食完就要同柏仲沖涼啦, 所以叫老公要洗碗呀! 沖好涼餵奶後就計劃出吓街, 不過又想整埋個手腳印先, 拖拖吓又唔記得架啦, 整得嚟出去都點幾, 喺美心食個tea先出去, 仲要借埋還埋書先! 選擇咗入沙田, 想行吓ikea! 撘86入去, 蕃薯全程醒架, 係到睇街睇人咁! 反而笨元就瞓咗, 叫醒佢地落車, 去到都4點啦, 所以老公陪笨元行反斗城, 我就喺出面餵奶, 不過蕃薯食得好慢, 佢地行完柏仲都未食完, 等佢食埋都已經4:45, 所以行得去ikea都5:00, 加上老公掛住晚上踢波, 所以行得幾hea吓, 撘巴士去荃灣食Burger King, 然後老公就去踢波, 我就一揍二返屋企, 好在蕃薯冇嘈, 我可以安心同子元沖好涼先, 叫佢做好自己嘢, 我就餵柏仲飲奶, 不過今晚唔肯瞓啦, 於是由佢喊咗陣就比佢出廳坐, 睇住佢食吓手咁都好可愛, 又成日係到哎咕叫你, 好搞笑! 到老公返咗嚟買咗糖水我食, 柏仲又開始喊啦, 就放佢入房喊吓, 15分鐘唔洗瞓咗, 我地兩個都好眼瞓, 所以都喺廳瞓咗, 到12點多誰咗, 老公頭痛入咗房瞓, 留番我單打獨鬥, 分3次都飲得5安就瞓到隻豬咁, 掃完風放番入房已熟睡, 但由於老公鼻寒聲太大, 我hea到自己比較攰先入房瞓囉, 但都好難先瞓得著!