14/2/14

14/2/14   FRI   VERY COLD 8度

今日為下星期一正式上班人來個預習! 未夠6點其實我醒咗, 到6點9起身梳洗好就先叫笨元起身, 然後就餵蕃薯食奶, 係要叫醒隻蕃薯起身食, 食完我換衫再揹好蕃薯就出發啦, 好好彩今日程生渣車, 所以可以撘順風車返學, 原來笨元返到去就喺到跑嚟跑去, 我諗我真係要重新同佢講過規矩啦, 唔想佢咁放縱! 送咗佢入學校睇吓佢做服務生我就撘巴士上嫲嫲到, 點知佢以為我10點先嚟到, 所以去咗茶水站, 好在可問尹太攞key, 入屋等嫲嫲返嚟, 佢仲買埋早餐, 咁食埋先出門口! 一路都諗緊返唔返公司攞番個file, 不過見到有42A咁就撘返去攞, 然後會合咗路途上的Nicho一齊過商會, 剛在樓下接到老細, 不過都冇咩所謂, 上到去馬上開票先啦, 出糧嘛, 等佢地齊人D就開始開會, 都係廢話多啦, 冇咩特別嘢, 開到12點其實已開完, 收咗不少利是! 然後就是去食開年飯, 好飽的一餐呢! 食完就返上去開埋D票, 4點多就走人返去揍笨元放學, 返到嫲嫲到要笨元做咗功課先再出門口去食晚飯, 不過條友又係到多多事實, 迫到我幾想發火! 終於做好兩份生字, 咁就可以出門口啦, 要去葵芳食, 今日嫲嫲生日嘛, 都冇咩生日禮物, 食咗餐飯囉, 由於今係情人節, 所以改咗食中餐, 唔好去同人迫! 去到葵芳安頓好就去新都會找找笨元功課需要的故鄉圖片, 叫做找到一幅啦, 而家D旅行社都冇咩單張你攞! 食完就回家啦, 今晚蕃薯都有D扭, 撘到的士返去, 笨元佢地又要出去合唱團, 我就想沖咗涼先餵蕃薯, 唔知係咪有D遲, 所以佢都喊住叫救命, 然後又勁快地食完, 今日冇咩抱過佢, 見佢伏咗喺我到咁舒服, 都冇放番佢入房住, 因為放咗佢入去又係到喊, 到老公返嚟後先放佢入去! 查實我已經勁眼瞓啦, 喺梳化瞓咗, 因為蕃薯喺房喊緊嘈住, 幫老公set 好架部餵奶我就瞓啦, 完全唔知佢兩個幾時入嚟, 但半夜郤嘈咗兩次, 拍過佢都唔收聲, 最終方法咪由佢喊一陣, 瞓番!