今朝未夠6點就比隻蕃薯叫醒, 都話咗架啦琴晚食得咁少今朝肯定早嘈! 咁都要餵佢架, 搞掂未夠7點我照瞓番啦, 反正今日星期六, 都係老公帶笨元去畫班, 我照瞓啦, 估唔到係瞓到11點幾我先再醒, 佢地啱啱學完畫返嚟, 我先梳洗緊, 仲要同蕃薯沖涼食埋奶我先煮嘢食, 早午餐一齊食啦! 煮咗D水餃加個麵咋! 老公1點多又同笨元去學踢波啦, 星期六佢地真係好忙呢! 而我就同蕃薯喺屋企囉, 應該4點先飲奶, 點知佢就3點已經醒咗, 於是都陪佢玩咗大半個鐘先飲奶, 好在飲完佢又繼續瞓啫, 我就再hea吓等老公佢地返嚟囉! 7點約咗Barry兩公婆晚飯, 仲好客氣咁請我地, 柏仲就好乖咁冇瞓又冇嘈係到眼碌碌! 喺酒樓食埋奶先走人, 回家後馬上沖涼休息吓, 笨元11點先瞓, 我頂到12點開好奶比蕃薯等老公餵我就瞓先啦!
沒有留言:
張貼留言