今日3條KING團拜, 朝早蕃薯未夠7點就叫食, 不過返工後佢最好都係呢D時間叫食就啱! 朝早冇咩做就再瞓, 到10點幾笨元叫醒過我地, 咁就起身囉! 不過整吓呢樣整吓嗰樣, 出得門口都食午餐, 食完再去買D嘢先返屋企, 返得去都點幾, 啱啱好Amanda嚟到啦, 過咗陣阿Ming都到, 3個細路梗係玩到顛, 我地大人咪吹吓水囉, 又睇吓蕃薯咁啦, 佢梗係知好多人喺到, 完全唔肯瞓, 放落床就喊抱上手就唔嘈, 跟住未夠4個鐘就嘈, 最終3個半鐘就比6安佢飲哂! 喺房瞓咗陣又嘈, 但都唔係好得閒理佢! 到5點Amanda要走先, 阿Ming就食埋飯先, 本來諗住叫壽司, 但竟然話3個鐘先有, 擺明倒米, 於是叫番平日間茶記但要老公出去攞囉, 咁唔洗大班人出去又可以睇住電視食嘛! 食完佢地趕車都要走啦, 我地都沖涼休息啦, 我想唔泵奶都唔得, 谷住咗! 要等蕃薯11點幾嗰餐食埋先有得瞓, 佢梗係下午醒足咁耐攰啦, 7點幾食飽就係咁瞓, 瞓住嚟食食得好慢!
沒有留言:
張貼留言