蕃薯正常時間7點半叫食, 餵完佢整吓呢樣整吓嗰樣, 本來應該齊齊出去食早餐買嘢,
但老公又唔願起身, 天氣又冷, 蕃薯又瞓得冧, 咁佢就唔出去啦, 我同笨元出咗去食麥當勞, 佢已經食珍寶餐, 雖則我食咗佢一塊pancake, 但都唔洗再食我個板燒雞腿架, 隔離枱都忍唔住撘咀吹吓水! 去惠康買埋嘢就返屋企, 老公啱啱同蕃薯沖咗涼, 梗係要佢餵埋啦, 我買完嘢返嚟都要執架, 佢唔餵佢又係hea, 最終D嘢又係我做番哂! 蕃薯食飽又再瞓啦, 我地就hea吓先, 兩點幾老公去買小食返嚟做午餐,
邊睇running men邊食, 真係幾好笑架! 餵埋4點餐奶我頂唔順要小睡吓啦, 到六點幾老公叫醒我, 因為小圈子的人上緊嚟, 其實只係得小休, GIV仔佢地咋, 叫咗外賣食, 因為幾個細路嘛, 比佢地喺屋企玩吓幾好, 笨元除咗好興奮外, 其實都好識照顧丁丁! 蕃薯8點開始喊架啦, 但我仲未食完飯嘛, 梗係等我食埋先餵佢啦, 都好合作食哂, 不過人地走咗之後就開始唔會作啦, 抱佢出嚟坐就唔嘈, 一入房就嘈, 12點食咗奶明明應該瞓架嘛, 又喊! 等老公哄吓佢囉, 我成日都哄唔掂GE!
沒有留言:
張貼留言