今日我都要返一返工啦, 開年嘛, 返去逗利是! 奶奶8點幾過到嚟接更咁我就出得門口啦, 去到公司附件仲有時間, 食埋早餐先返上去, 返到去都係拜吓年, 跟住都係做吓嘢咁, 我主力係過吓相咁, 執番好D相再襯機會print埋笨元功課要用的相, 都有做吓公事ge! 等D老闆們話行得我地咪落鋪頭拜神囉, 勁慘囉冇人車我地, 要自己撘的士, 去到拜埋神就影吓相啦, 夠鐘又去酒樓啦, 今次點都迫埋上車! 去到都係食嘢啫, 但你話好豐富又唔係囉, 所以都係填飽個肚算啦! 食到點幾走得, 冇地方去架啦咪撘巴士返屋企囉! 返到去蕃薯仲瞓緊, 咪陪吓笨元囉, 由於嫲嫲唔想煮飯, 所以就叫咗Pizza Hut食, 邊食邊等老公返啦, 跟住又要餵蕃薯, 佢兩父子食飽就出咗去踢波, 得番我同柏仲喺屋企, 好在佢都算合作, 等我沖完涼先喊, 比佢喊一輪放吓電, 咁11點幾餐奶後先可以乖乖瞓!
沒有留言:
張貼留言