今日輪到笨元有街去, 朝早如常餵咗蕃薯就叫老公起身返工啦, 跟住等笨元都起埋身就煮早餐食, 見蕃薯仲瞓得咁冧就打掃吓, 雖則初四嗰日老公抺咗, 但已經好快Dirty! 搞掂又到同蕃薯沖涼食奶再勁趕咁出門口, 因為買咗飛1:10睇戲, 但12:15我地先出到門口, 諗住撘的士入去嫲嫲到架啦, 點知截到的士時又見到有42, 唯有放棄架的士馬上去追車! 去到嫲嫲到已經12:45啦, 放低隻蕃薯就再出發, 撘巴士去青衣城, 入到場仲睇到片頭, 呢套Lego英雄傳真係好好睇, 我同笨元都睇得好開心! 睇完就去食嘢啦, 一早諗好食壽司, 估唔到板長而家係用平板電腦落order, 唔覺唔覺食咗300蚊有多呀, 笨元真係好食得! 食飽去埋銀行入錢, 就帶笨元去反斗城, 由於去愉景冇車直到, 於是就去奧海城, 方便D嘛! 玩得咁開心, 時間過得特別快, 睇埋反斗城已經五點幾, 一定要回程了, 返到去蕃薯都幾乖, 係到我地食飯先嘈, 因為佢又差不多要食啦嘛, 我咪餵埋佢先食囉, 所以食得飯嚟8點幾先回家呢, 好在一去到巴士站就有車, 返到去沖咗涼先, 然後買飛明晚同老公睇戲! 而家蕃薯不甘於自己喺房望住天花, 所以都會放佢出嚟梳化坐吓, 若佢坐得攰就會叫架啦! 坐夠又放番佢落床喊吓先, 咁佢喊陣抖吓再食奶, 食飽就瞓啦, 我地就睇埋建元風雲先瞓呢!
沒有留言:
張貼留言