今日老公最後一日假啦, 我明天都要返去開年! 今日的任務是同蕃薯去健康院, 不過係下午GE事! 朝早蕃薯7點幾叫食, 餵咗佢我冇咩做但又瞓唔番, 於是整早餐食, 笨元又未起身嘛, 幾寧靜呀! 之後咪等蕃薯下餐奶, 叫老公起身自己煮嘢食,
hea 到夠鐘同蕃薯沖咗涼食埋奶就出門口去嫲嫲到食午飯先, 然後再落去健康, 不過都等得幾耐吓, 2個月磅重有5.79kg, 高度有56c m! 打嗰兩針喊咗3聲啦, 反而捉住佢時就大叫! 搞掂就撘巴士返去啦, 老公瞓咗晏覺, 我就睇住佢地兩隻嘢囉, 蕃薯都算OK啦, 本來今晚小圈子團拜, 點知GIV仔嚟唔到, 老非又跟住話唔嚟, 咁咪取消囉, 搞到我地要叫外賣囉, 都好GE, 沖埋涼食嘢睇電視, 不過我捱到10點頂唔住瞓咗啦, 夜晚餐奶靠老公啦, 不過蕃薯呢晚都成日喊, 唔知係咪比人打咗兩針唔高興啦!
沒有留言:
張貼留言