蕃薯今朝8點先叫食, 馬上叫醒老公返工啦, 搞掂蕃薯就煮早餐同笨元一齊食啦, 佢又係都要食丁麵! 食飽都係9點幾咋, 幾快手呀! 冇咩做就陪吓笨元玩啦, 到12點多poki嚟咗, 咁啱我又要餵奶啦, 餵完先得閒招呼佢, 其實都係吹吓水咁咋, 都冇咩招呼人! 差不多兩點佢就要去返工啦, 我又繼續hea吓啦, 有陪笨元玩吓架, 到五點幾同佢沖咗涼先, 咁嫲嫲只係睇住佢地就得! 我就同老公去睇戲, 約咗喺荃灣等, 去到食少少嘢行咗陣, 就再買埋popcorn就入得場啦, 其實賭城風雲都係好傳統的賭片, 不過又真係好搞笑! 睇完再去食泰國嘢, 我最愛的生蝦刺身, 超正! 不過呢個月真係碌咗好多卡, 過年始終就會洗多咗錢, 由其是食嘢! 吃完就撘的士返去啦, 等嫲嫲唔洗太夜返去嘛, 蕃薯到夜晚梗係嘈啦, 唔理佢啦沖咗涼先, 跟住比佢出廳坐咗一陣, 放番入房又喊過, 之後又瞓到唔記得食奶, 咪要叫醒佢食囉, 點知又食得勁衰, 我都知明早佢實晨早叫醒我架啦! 仲要咁啱我部手機突然hand咗, 冇哂個電話簿, 好在電腦有backup, 老公幫我整番好啫! 睇咗陣冬奧開幕就瞓啦!
沒有留言:
張貼留言