今日柏仲終於正常時間起身, 雖則佢7點就叫食, 但食得好衰, 到老公佢地出門口都未食完, 原來又一路食一路疴, 唔衰先奇! 食飽換好片我就煮早餐食然後hea 吓囉, 跟住又要打掃啦, 差半間屋的地才拖好時蕃薯就醒咗啦, 但我都要拖好地先可以理佢, 等佢喊陣咪啱囉! 搞到就白白食奶啦, 又係食得衰衰咁囉, 都唔明點解, 係咪有痰阻住呢! 食完又係時候瞓啦, 老公買咗飯返嚟比我食, 咁又唔洗煮啦! 食完都係hea吓咁啦, 老公揍咗笨元放學返嚟, 同佢沖完涼到我沖啦, 紫荊提早咗上嚟, 好在我都啱啱沖好, 等老公返嚟整嘢打邊爐前我地都係傾吓偈咁啦, 蕃薯到7點幾先開始嘈, 我就梗係食埋先理佢啦, 好在今餐食得唔錯, 算佢比面! 紫荊坐到九點幾先走, 等老公沖埋涼就同蕃薯玩吓啦,
食完餐奶一路都冇瞓過, 到11:45再食啦, 點知放番落床都係喊, 哄番佢之後到我地瞓著咗又再喊一次, 老公已經哄咗架啦, 都仲係喊, 所以冇再理佢, 等佢喊多陣佢就收聲啦, 太攰時就係用咁GE方法對佢架啦!
沒有留言:
張貼留言