今朝5點隻蕃薯就嘈, 以為佢扭啦, 但抱住都喊, 試吓比D水佢飲馬上啜, 就知佢餓啦, 局住要開奶啦, 飲完大家一齊再瞓囉, 不過佢兩父子要返工返學架嘛, 鬧鐘響都唔係好知, 搞到要飛的返去囉! 我就瞓到10點蕃薯叫先至醒, 同佢沖埋涼先食奶, 本來食得好地地架, 到臨尾嗰啖先嘔番哂出嚟, 真係比佢激死, 浪費哂, 不過都好GE嘔番D痰出嚟! 搞掂佢我終於可以煮嘢食呢, 早午餐一齊食囉! 星期一都好多好節目睇! 下午開始都係摺吓衫咁, 嫲嫲3點幾過咗嚟, 原來老公同佢講咗今日佢接因嫲嫲攞住好多嘢! 咁都冇咩特別ge, 係我明明餵完奶放咗蕃薯入床仔, 點知嫲嫲忍唔住撩完佢又出咗去買嘢, 結果又要我抱隻蕃薯出嚟玩啦! 小笨放學回來先同佢沖咗涼我再沖埋, 等佢睇完咖啡貓就溫習啦, 都係睇番嗰日學的同溫默書啫! 好快溫好又可以去玩, 等老公返埋嚟就打邊爐, 不過食食吓我又要餵蕃薯囉, 今日佢餐餐都食得唔係咁好, 明明佢係可以10分鐘食哂支奶架嘛, 近日都一路食一路扭, 咩原因呢! 餵完我又可以再食啦, 洗埋碗可以休息吓, 但蕃薯就係咁嘈, 佢真係好奇怪, 晚上係都唔肯自己入睡要人哄! K.O.咗笨元我地叫做可以抖吓, 11點幾餵隻蕃薯啦, 都係食得麻麻架啦, 老公最終都陪埋我先, 我地仲睇埋建元風雲先瞓, 不過瞓著咗蕃薯都有喊, 都係要老公先哄得掂佢!
沒有留言:
張貼留言