今朝老公鬧鐘響我先知醒, 本來想再瞓等老公搞掂ge, 但老公都唔係好郁, 所以我都係起身啦, 馬上捉笨元起身, 梳洗完幫佢換埋衫送埋佢地出門口先餵蕃薯, 都算合作咁食埋, 我又可以煮早餐食啦, 跟住嘆吓電視寫吓日記咁, 因為我呢種hea日子將要完結啦, 下星期一正式返工, 明天又要去商會開會, 都係為錢啫, 六合彩又唔中, 唔做可以點呢! 中午同蕃薯沖好涼食埋奶, 阿媽攞湯過嚟, 跟住老公又買咗飯返嚟食, 食完老公去番返工, 我就執吓明天D嘢啦, 因為要一早出門口架啦, 唔想明早才執嘢! 笨元放學返嚟都係同佢沖好涼就溫埋習先, 然後食飯啦, 跟住夠鐘咪餵蕃薯囉, 點知之後唔肯瞓啦, 一直到下一餐, 好在今晚都唔算好夜!
沒有留言:
張貼留言